Modern.az

İsmayıl Ömərov İctimai Televiziyada rəhbərliyin dəyişməsindən razı qalıb

İsmayıl Ömərov İctimai Televiziyada rəhbərliyin dəyişməsindən razı qalıb

14 May 2018, 11:29

Xəbər verdiyimiz kimi, mayın 11-də İctimai Televiziya və Radio Yayımları şirkətinin Yayım Şurasının iclasında telekanalın baş direktoru Cəmil Quliyevin səlahiyyətlərinə xitam verilib. Şuranın iclasında Balakişi Qasımov İTV-nin yeni baş direktoru seçilib.


İctimai Televiziya və Radio Yayımları Şirkətinin ilk baş direktoru olmuş İsmayıl Ömərov Modern.az-a açıqlamasında Balakişi Qasımovun təyinatını yüksək qiymətləndirib:

 

“Balakişi Qasımovu ictimai müzakirələrdən tanıyıram. Onun istedadına, təşkilatçılığına bələdəm. İnanıram ki, yüksək potensiala sahib İTV kanalı Balakişi Qasımovun rəhbərliyilə uğurlar əldə edəcək, yeni proyektlərlə tamaşıçıları sevindirəcək”.

 

İsmayıl Ömərov İTV-nin bir vaxtlar sahib olduğu böyük prestijin yenidən özünə qayıdacağına əminliyini ifadə edib. Balakişi Qasımovun tanınmış ziyalı, prodüsser kimi İTV-ni böyük uğurlara aparacağını vurğulayıb.

 

Maraqlıdır, bir vaxtlar “İTV-ni izləmirəm” deyən İ.Ömərov yenidən bu kanalın tamaşçısı olacaqmı?

İ.Ömərov bu cür potensiallı gəncləri görəndə hər şeyin yaxşı olacağına inandığını qeyd edib:

“Hər kəsin çəkə biləcəyi yük var. Yerində olan və olmayan adamlar var. Balakişi Qasımov yerində olan təyinatdır və tamaşaçılar da bunun  şahidi olacaqlar. O kollektivin gücündən, bacarığından istifadə edib tamaşaçıları sevindirəcək”.

Twitter
Sizə yeni tvit var
Keçid et
Ukrayna ordusu dəhşət saçdı: Rusiya ərazisi vuruldu