“700 bal topladığımı öyrənəndə çox sevindim. Müəllimlərim də, ailəm də məndən elə bu nəticəni gözləyirdi. Onların inamını doğrultduğuma görə çox xoşbəxtəm”.
Bu sözləri AzEdu.az saytına I ixtisas qrupu üzrə keçirilən ali məktəbə qəbul imtahanlarında maksimum bal toplayan Əsra Bayramova deyib. O, özündən bu nəticəni gözlədiyini bildirib:
“Təbiət Elmləri Təmayüllü Gimnaziyanın şagirdi olmuşam. Dövlət İmtahan Mərkəzinin keçirdiyi sınaq imtahanlarında 650-dən yuxarı bal toplayırdım. Amma qəbul imtahanında 700 bal toplayacağıma əmin idim. Hansı universiteti, fakültəni seçəcəyimi hələ ki, dəqiq bilmirəm. Bu barədə hələ fikirləşəcəm”.