“Bakıda və Azərbaycanın bir sıra böyük şəhərlərində orta məktəblərdə sıxlıq var”.
Modern.az-ın məlumatına görə, bunu təhsil naziri Ceyhun Bayramov Milli Məclisin Elm və təhsil komitəsinin bu gün keçirilən iclasında deyib.
Nazir qeyd edib ki, Bakıda orta məktəblərdə sıxlıq 10 faiz təşkil edir. “Sıxlıq ondan ibarətdir ki, orada 1-ci sinfə getmək üçün müraciət edənlərin sayı çox olur.
Təbii ki, hamsı qəbul oluna bilməz. Burada ədalət prinsipi ondan ibarətdir ki, ilk növbədə həmin məktəbin yerləşdiyi ərazidə yaşayan uşaqlar qəbul olunur. Və təbii ki, yer qalarsa digər şagirdlər də qəbul oluna bilər”.