“Prezident İlham Əliyev tərəfindən imzalanmış sərəncamla 634 məhkum əfv edildi və bu əfv sərəncamının icrasını bu gün həyata keçirdik”.
Modern.az-ın məlumatına görə, bunu Azərbaycanın insan hüquqları üzrə müvəkkili (ombudsman) Elmira Süleymanova deyib.
Ombudsman bildirib ki, müstəqilliyimiz dövründə 11 dəfə amnistiya aktı, 64 dəfə əfv sərəncamı icra olunub: "Bu, çox böyük rəqəmlərdir. Sonuncu əfv sərəncamı ilə azadlığa buraxılan 634 məhkumdan 72-si ombudsmanın təklifi ilə əfv olunub”.
Qeyd edək ki, Prezident İlham Əliyevin mayın 24-də imzaladığı “Məhkum edilmiş bir sıra şəxslərin əfv olunması haqqında” sərəncam ümumilikdə 634 nəfərə şamil edilib.