Modern.az

“Arif Alışanova qarşı yalan ifadələr verilir” - Vəkili məhkəmədə DANIŞDI

“Arif Alışanova qarşı yalan ifadələr verilir” - Vəkili məhkəmədə DANIŞDI

Aktual

25 May 2018, 16:10

Bu gün hakim Əfqan Hacıyevin sədrliyi ilə Bakı Ağır Cinayətlər Məhkəməsində "AzTV” sədri Arif Alışanova qarşı sui-qəsd təşkil etməkdə təqsirləndirilən Şücayət Əkbərov, Qoçəli Cəbiyev, Aqşin Hüseynov və Zöhrab Şirinovun növbəti məhkəmə prosesi keçirilib. 

Modern.az xəbər verir ki, məhkəmədə çıxış edən Arif Alışanovun vəkili Zaur Abasov bildirib ki, məhkəmə iclasında iştirak edən KİV-nin nümayəndələri dəfələrlə özlərinin dərc etdikləri yazılarda Şücayət Əkbərovun əsassız və ağır olan ittihamlarını qeyd etməklə, ictimaiyyətdə yalnış fikir yaratmaq istəyirlər: 

 

"Bildiyiniz kimi, 2013-2016-cı illər ərzində Şücayət Əkbərov Arif Alışanova Şamaxı rayonu Nağaraxana kəndi ərazisində bahalı qiymətə satılan torpaq sahələrini göstərərək, onların müxtəlif vətəndaşlar tərəfindən satıldığını bildirib. Arif Alışanov Şücayət Əkbərovu uzun illər tanıdığından və ona tam etibar etdiyindən, həmin torpaqları almaq məqsədilə qeyd olunan torpaqların pulunu müxtəlif vaxtlarda və məbləğlərdə Şücayət Əkbərova ödəyib. Şücayət Əkbərov Arif Alışanova qarşı dələduzluq edərək, faktiki olaraq Kürdəmir rayonunun ərazisində yerləşən hektarının qiyməti dəfələrlə ucuz olan torpaq sahələrini alaraq, müxtəlif şəxslərin adlarına rəsmiləşdirmiş, digər hallarda isə Şamaxı rayonunun müxtəlif ərazilərində kənd təsərrüfatı və turizm təyinatlı torpaq sahələri göstərərək satıldığını bildirməklə həmin torpaqların dəyərini təşkil edən məbləğləri Arif Alışanovdan alaraq, ümumiyyətlə heç bir rəsmiləşdirmə aparmayıb, dələduzluqla həmin pulları da mənimsəyib. Bundan başqa, Arif Alışanov Şamaxı rayonu Çuxuryurd kəndi ərazisində yerləşən 5 hektar və 6,5 hektar torpaq sahələrini alaraq Şücayət Əkbərovdan həmin sahələri özü ilə arvadı Səlimə Ənvər qızı Sadıqovanın adına rəsmiləşdirməyi xahiş edib. Daha sonra, Şücayət Əkbərov faktiki olaraq özünə məxsus olmaqla, qohumunun adına rəsmiləşdirilmiş Şamaxı rayonu, Mədrəsə qəsəbəsi Nizami Gəncəvi küçəsi 26 ünvanında yerləşən evini Arif Alışanova satmış, lakin rəsmiləşdirməsini müvafiq qaydada həyata keçirməmişdir. Arif Alışanov bir neçə ədəd Gəncə traktor zavodunda istehsal olunmuş traktor, kotan, dırmıq və sair kənd təsərrüfatı texnikasının lizinqə alınması ilə bağlı öz qohumları ilə razılığa gəldikdən sonra, həmin texnikanın pulunu Şücayət Əkbərova verərək, onu nümayəndəsi kimi həmin texnikanın qəbul edibbir hissəsini özünə yaxın olan şəxslərin adına rəsmiləşdirməsini xahiş edib və Şücayət Əkbərov həmin texnikaların bir hissəsini özünün, arvadı Səlimə Sadıqovanın, sürücüsü Aqşin Hüseynovun adına rəsmiləşdirib. Şücayət Əkbərov 2016-cı ilin dekabr ayında dələduzluq əməlləri ilə ələ keçirdiyi külli miqdarda pul vəsaitlərini və Arif Alışanov tərəfindən dəyəri ödnilən torpaq sahələrini A.Alışanovun müəyyən etdiyi şəxslərin adlarına rəsmiləşdirilməsini tələb etməsi ilə əlaqədar, eləcə də, adlarına rəsmiləşdirdikləri Şamaxı rayonunun Çuxuryurd kəndi ərazisindəki torpaqlara, kənd təsərrüfatı texnikasına, pulunu aldığı Şamaxı rayonu Mədrəsə qəsəbəsindəki evinə və digər əmlaklara sahib çıxmaq və mənimsədiyi pulları qaytarmamaq və dələduzluq cinayət əməlini gizlətmək məqsədilə, mütəşəkkil cinayət qrupu yaradaraq, bu qrup üzvləri vasitəsi ilə Arif Alışanovu qətlə yetirmək istəyib. Şücayət Əkbərov Arif Alışanovu qətlə yetirmək üçün cinayətkar qrupun digər üzvlərinə 600.000 manat pul təklif edib və bu məqsədlə müxtəlif odlu silahlar əldə etmişdir. Sonradan, qətli avtoqəza nəticəsində həyata keçirməsi üçün adları iş materiallarında keçən və 23.05.2018-ci il tarixində şahid qismində dindirilmiş şəxslərdən "NİVA" markalı avtomaşını alaraq Zöhrab Şirinov vasitəsilə, həmin avtomaşınla Arif Alışanovun sürücüsü tərəfindən idarə olunan "Toyota Land Cruiser” markalı avtomaşını vuraraq qəsdən dərəyə salmaq məqsədilə bu qətli həyata keçirmək istəyib. Təqsirləndirilən şəxslərin bu və digər cəhdələrinin baş tutmamasının səbəbi isə iş üzrə şahid qismində keçən Müsabi Namazovun qabaqcadan verdiyi məlumat əsasında Azərbaycan Respublikası Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin əməkdaşlarının keçirmiş əməliyyat-axtarış tədbirləri nəticəsində həyata keçirilməsi mümkün olmamışdır.

 

Vəkil Zaur Abasov diqqətə çatdırıb ki, bu günə qədər iş üzrə təqsirləndirilən şəxs olan Şücayət Əkbərov keçirilən məhkəmə iclasları zamanı, dəfələrlə Arif Alışanova şər və böhtan atıb: "Onlar guya Arif Alışanovun özünün olduğu və sürücüsünün idarə etdiyi avtomaşının baqaj hissəsində qız meyidinin olmasını göstərməklə, bu günə qədər ictimaiyyəti çaşdıraraq, Arif Alışanova qarşı heç bir sui-qəsdin törətməsinə cəhd etmədiyini israrla bildirir. Əvvəlki keçirilən məhkəmə iclaslarında zərərçəkmiş şəxslər və şahidlər dindirilmədiyindən, biz indiyə qədər Şücayət Əkbərovun Arif Alışanova qarşı irəli sürülən və əsassız olan ağır ittihamları ilə bağlı fikir bildirməmişdik. Əslində, Şücayət Əkbərovun əsassız ittihamlarına münasibətimizi iş üzrə sübutlar araşdırıldıqdan sonra məhkəmə çıxışında bildirmək istəsək də, hazırda məcburiyyət qarşısında qalaraq bu vəsatətlə məhkəməyə müraciət edirik. Əfsuslar olsun ki, məhkəmə iclasında iştirak edən KİV-nin nümayəndələri dəfələrlə özlərinin dərc etdikləri yazılarda Şücayət Əkbərovun əsassız və ağır olan ittihamlarını qeyd etməklə, ictimaiyyətdə yanlış fikir yaratmaq istəyirlər. Halbuki, iş üzrə dinidirilmiş şahidlərdən Azərbaycan Respublikası Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin əməkdaşı olan Rövşən Camalovun birbaşa hadisələrin şahidi olmuş Müsabi Namazovla bağlı verdiyi ifadəsi dərc edilmiş yazılarda geniş şəkildə öz əksini tapmayıb”.

 

Həmçinin vəkil sonda bildirib ki, Arif Alışanov uzun illərdir ki, respublika əhəmiyyətli olan AZTV kimi informasiya təşkilatının rəhbəridir: "Arif Alışanovun rəhbərliyi altında yüzlərlə insan çalışır, cəmiyyətdə hörmətli şəxs kimi xarakterizə olunur, böyük nüfuza malikdir, siyasi çəkiyə və Azərbaycan dövlətini təmsil edən vəzifə sahibidir və nəhayət bir ailə başçısıdır. Onun barəsində sübut olunmamış, özü ağır cinayətdə təqsirləndirilən şəxs tərəfindən əsassız olaraq, ajiotaj yaratmaq, əsas məqsədi ictimaiyyətin özünün törətdiyi əməllərlə bağlı məhkəmə prosesindən yayındırmaq niyətində irəli gəlir.

Bildiyiniz kimi, heç bir dəlil və sübut olmadan bir şəxsi xüsusilə ağır cinayətin törədilməsində ittiham edilməsi və bu məlumatların artıq KİV-də geniş şəkildə yayılması, Şücayət Əkbərov barəsində Azərbaycan Respublikası CM-nin 147-ci maddəsi ilə cinayət məsuliyyətinə cəlb edilməsi üçün əsas ola bilər.

Göstərilənləri nəzərə alaraq, məhkəmə iclasının sədri kimi, Sizdən xahiş edirik ki, yuxarıda göstərilən neqativ şər və böhtan xarakterli çıxışların qarşısının alınması istiqamətində müvafiq tədbirlər görəsiniz.

Twitter
Sizə yeni tvit var
Keçid et
Bakıdan Ermənistana xəbərdarlıq: Kəndləri boşaldın,ya da...