Modern.az

Lirə ucuzlaşır, Ərdoğanın reytinqi azalır...

Lirə ucuzlaşır, Ərdoğanın reytinqi azalır...

29 May 2018, 12:01

Türk lirəsinin son iki həftə ərzindəki ucuzlaşması iqtidara inamı xeyli azaldıb.

 

Modern.az Türkiyə KİV-nə istinadən xəbər verir ki, türk lirəsinin ABŞ dolları qarşısında son iki həftə ərzində zəifləməsi hakim Ədalət və İnkişaf Partiyasına (AKP) növbədənkənar prezident  seçkiləri ərəfəsində böyük zərbədir. AKP ilə yanaşı MHP-nin də səs sayında zərbə alacağı gözlənilir.

 

Belə ki, İstanbul İqtisadiyyat Tədqiqat Mərkəzinin bundan əvvəl keçirdiyi sorğu ilə müqayisədə Rəcəb Tayyib Ərdoğanı dəstəkləyənlərin sayında 3,77% azalma müşahidə olunub. 16 may tarixində keçirilən ilk sorğuda Ərdoğanı dəstəkləyənlər 47,79% idisə, dünən keçirilən sorğuda 44,02% təşkil edib. Bu nəticə reallaşarsa, seçkilər ikinci tura qalacaq. Əgər Ərdoğan ikinci tura 44% səs ilə gedərsə, rəqibinin qalib olma ehtimalları daha da yüksəlir.

 

Araşdırma Mərkəzindən verilən məlumata əsasən, Ərdoğan aprel ayında 48,6% səs yığmışdı. O vaxt seçkilərin ikinci tura qalmması belə real görünmürdü. 14 may tarixində Bloomberg TV-yə verdiyi müsahibədən sonra vəziyyət dəyişdi. Belə ki, Ərdoğanın dediklərindən Türkiyədə müstəqil bir mərkəz bankının olmayacağı, faiz siyasətinin özü tərəfindən təyin olunacağı, Türkiyənin investisiyaya uyğun olma xüsusiyyətini təmamilə itirəcəyi qənaətinə gələnlər oldu.

 

Ərdoğan investorların ona göstərdiyi etimadı beləcə itirdi, lirədən “qaçmaq” da bunun nəticələrindən biri idi. 10 gün ərzində AKP-nin prezidentliyə namizədinin 3,7% səs itirməsinin nə dərəcədə əhəmiyyətli olduğu bir həftə sonra keçiriləcək yeni sorğuda müəyyən olunacaq.

 

 

 

 

 

Facebook
Dəqiq xəbəri bizdən alın!
Keçid et
Ukraynadan Rusiyaya ardıcıl zərbələr: Vəziyyət kritikdir