Əfqanıstanda polis mərkəzinə hücum zamanı 6 polis öldürülüb.
Modern.az xarici KİV-ə istinadən xəbər verir ki, hadisə Loqar vilayətində baş verib. Terroristlər əvvəlcə daxilinə bomba yerləşdirdikləri maşını partladıblar. Daha sonra 3 terrorist mərkəzə daxil olub.
Polislə silahlə toqquşma zamanı terroristlər zərərsizləşdirilib. Atışma zamanı terroristlərdən başqa 6 polis də həlak olub.
Bundan başqa hadisə yerində olan 8 mülki vətəndaş da yaralanaraq xəstəxanaya çatdırılıblar. Hadisəni Taliban terror qruplaşması öz üzərinə götürüb.