15 avqust 2018, Çərşənbə axşamı
Ana Səhifə - MEDİA - Bizimkilər - Şuşalı jurnalist: “Müharibə uşaqlığımın üstündən xətt çəkdi, atam əsir düşdü...” - FOTOLAR  
Bizimkilər - Şuşalı jurnalist: “Müharibə uşaqlığımın üstündən xətt çəkdi, atam əsir düşdü...” - FOTOLAR   +
04.06.2018, 11:32

Modern.az saytında “Bizimkilər” rubrikasına davam edirik. Qeyd edək ki, bu rubrikada özümüzünkülərdən – jurnalist həmkarlarımızdan yazır, onları oxucularla daha yaxından tanış edirik. Uzun müddət üçün fikirləşdiyimiz bu rubrika istər tanınmış olsun, istər tanınmamış - “jurnalist ordusu”nu tanıtmağa hesablanıb... Bir sözlə, həmkarlarımızı “Bizimkilər”də daha yaxından tanıyaq... Beləliklə...

“Bizimkilər”in növbəti qonağı “Kaspi” qəzetinin əməkdaşı Bəxtiyar Məmmədlidir.


“26 ildir onun haqqında heç bir xəbər əldə edə bilmədik”

Bəxtiyar Məmmədli  1981-ci ildə Şuşada anadan olub. Bakı Dövlət Universitetinin (BDU)  Jurnalistika fakültəsini  bitirib.  Jurnalistin ən böyük arzusu Şuşaya qayıdıb, doğma torpağında yaşamaqdır:


“Azərbaycanın zümrüd tacı olan Şuşada dünyaya gəlmişəm. Uşaqlığımın ilk illərini xoşbəxt balacalar kimi, atalı-analı, evi-eşiyi olan, heç bir problemi olmayan bir azyaşlı kimi keçirmişəm. Belə demək mümkünsə, Qarabağ məsələsi başlayana qədər əsl uşaqlıq dövrü yaşamışam. Bu illər ərzində Şuşanın bir çox görməli yerlərini gəzmişəm, dolaşmışam. Ta ki, müharibə başlayanadək...
Uşaqlıq dövründən yeniyetməliyə qədər bir dövrü qələmə alsam, yaxşı bir kitab alınar. Müharibə isə nəinki mənim, o dövrdəki həmyaşıdlarımın uşaqlığının üzərindən xətt çəkdi. Uşaqlar oyuncaqla deyil, silah-sursatla, güllə ilə oynamağa başladılar. O dövrdə Şuşadakı 4 saylı orta məktəbdə oxuyurdum. Şuşada döyüşlər getdiyi bir vaxtda orta məktəbdəki sinif yoldaşlarım bir-bir azaldı. Çünki insanlar öz ailələrini təhlükə altında saxlaya bilməzdilər. Təxminən, 1992-ci ilin yanvarında  məktəbimizdə dərslər dayandırıldı. Xocalı faciəsi baş verən günün səhəri günü isə valideynlərim balaca bacımla məni Şuşadan çıxarıb Yevlaxdakı qohumlarımızgilə yerləşdirdilər. Bura uyğunlaşmaq çətin idi. 2-3 ay Yevlaxdakı 5 nömrəli məktəbdə oxudum. Daha sonra elə həmin ilin yayında Bakıya köçdük. 1992-ci ilin payızında indi yaşadığımız "Rabitəçi" sağlamlıq düşərgəsinin bir küncündə açılan Şuşa 9 saylı orta məktəbdə təhsilimi davam etdirdim. Şuşanın işğalından sonra və məcburi köçkün həyatı yaşamaqla hansı uşaqlıqdan danışasan?

Həm də ailəmiz çətin vəziyyətdə idi. Çünki Şuşanın müdafiəsi zamanı atam Feruz Məmmədov ermənilər tərəfindən əsir götürülmüşdü. Onun bu həyatda bəxti gətiməmişdi. Atam müharibə dövründə, 1941-ci ildə dünyaya gəlmişdi, 3 yaşında anasız qalmışdı və elə Qarabağ müharibəsi zamanı da əsir götürülmüşdü. Çox axtardıq, amma 26 ildir onun haqqında heç bir xəbər əldə edə bilmədik.

Biz ailədə 5 uşağıq, 4 bacım var. Mən və bacılarımın hamısı dünya durduqca anamıza borcluyuq. Çünki onun zəhməti, əziyyəti nəticəsində bacılarım və mən ali təhsil ala bilmişik. Bugünkü Bəxtiyar Məmmədli hər zaman anasına borcludur və belə də olacaq...”.

“Burada bir-birinə güvən, etibar və dəstək var”

 Müsahibimiz deyir ki, jurnalistika ixtisasını seçmək anasının arzusu ilə olub:

“Anam hər zaman bu sahəyə xüsusi önəm verib və övladlarından birinin jurnalist olmasını arzulayıb. Bu da mənim qismətim imiş. Amma bu sahədə ali təhsil almağım bir balaca fərqli nüanslarla yadda qalıb. Çünki 1999-cu ildə Müstəqil Azərbaycan Universitetinin Jurnalistika fakültəsinə daxil oldum. Bu universitetdə bir il təhsil aldıqdan sonra öz istəyimlə Naxçıvan Özəl Universitetinə köçürüldüm. Lakin burada da bir il təhsil aldıqdan sonra universitet bağlandı və bu dəfə, yəni 2001-ci ildə Bakı Dövlət Universitetinə köçürüldüm. Yəni, ona görə qeyd edirdim ki, təhsil aldığım dövr heç də digər tələbələr kimi olmayıb. Bu köçürülmələrin də hər biri heç vaxt yaddan çıxmayacaq pis və yaxşı xatirələrlə doludur. Amma şükürlər olsun ki, oxuduğum hər üç universitetdə gözəl tələbə yoldaşlarım olub. Onların bir çoxu ilə bu gün də görüşürük, ötən günləri yada salırıq, əlaqələrimizi kəsmirik”.



B.Məmmədlinin tələbə dövründə əməkdaşlıq etdiyi qəzetlər olsa da, hərbi xidmətdən qayıtdıqdan sonra “525-ci qəzet”də ştata götürülən müxbir vəzifəsində işə başlayıb:

““525-ci qəzet”də 8 il işlədikdən sonra “BayMedia” İnformasiya Agentliyində redaktor kimi fəaliyyətimi davam etdirmişəm. Daha sonra “Gündəlik Teleqraf” qəzetində və “Yeniçağ.az” saytına müxbir vəzifəsində çalışdım. 2016-cı ildən isə “Kaspi” qəzetində fəaliyyətimi davam etdirirəm.

Heç kim deyə bilməz ki, hansısa sahədə çalışdığı müddətdə qarşılaşdığı çətinliklər olmayıb. İşlədiyim müddətdə problemlərim bəzən müsahiblərimlə, bəzən isə redaksiya daxilində olub. Amma bunlar artıq arxada qalıb. İndi “Kaspi” qəzetində gözəl kollektivlə birgə çalışırıq. Sözün həqiqi mənasında burada bir-birinə güvən, etibar və dəstək var. Bütün bunlar jurnalistin fəaliyyətinə müsbət təsir göstərən çox mühüm amillərdir. Çox təəssüflər olsun ki, bir sıra redaksiyalarda buna rast gəlmək olmur. Onu da qeyd edim ki, jurnalistika ilə yanaşı, qeyri-hökümət təşkilatları ilə də əməkdaşlıq edirəm. Hazırda “Həsrət Yolu” Əsir və Girovlara Kömək İctimai Birliyinin İdarə Heyətinin sədriyəm. Eləcə də digər vətəndaş cəmiyyəti institutları ilə müxtəlif layihələr çərçivəsində birgə çalışmalar olur”.


“Redaksiyaların birləşməsinə ehtiyac var”

Həmkarımız düşünür ki, hələ də Azərbaycanda jurnalistikanı sovet ideologiyasından irəli gələrək, təbliğat və təşviqat vasitəsi hesab edənlər var:

“Əslində bu sahədə iş təcrübəm başqa jurnalistlərə baxanda azdır. Ona görə də onların müsbət düşüncələrini hər zaman özüm üçün örnək hesab etmişəm. Bəzən də razılaşmadığım məqamlar olub. Çünki hələ də Azərbaycanda jurnalistikanı sovet ideologiyasından irəli gələrək, təbliğat və təşviqat vasitəsi hesab edənlər var. Bu, həqiqətən təəssüf doğurur. Jurnalistika bir biznes sahəsidir və yanaşma da bu maraqlardan  olmalıdır. Elə bugünkü jurnalistikanın bir çox problemlərinin kökündə də həmin səbəblər durur. Bundan başqa, redaksiyalar məhsullarını bazara çıxarmaq istəmirlər. Bilirsiniz, bu nəyə bənzəyir? Həyətimdə hər şey əkmişəm, bol məhsulum var, amma bazara çıxmıram və gözləyirəm ki, kimsə gəlib alacaq. Əslində redaksiyalar özləri təşəbbüslərlə çıxış etməlidirlər. Bəzən bu sahədə peşəkarlığın az olmasını vurğulayırlar. Elə bu səbədən də jurnalistlərin təcrübəsinin artırılması üçün bir sıra təşkilatlar tərəfindən treninqlər, seminarlar keçirilir. Bu çox yaxşı haldır, amma bəzi redaktor və baş redaktorların da treninqlərə və seminarlara gedib müasir dünyada baş verənləri öyrənməsi heç də pis olmazdı.

Eyni zamanda redaksiyaların birləşməsinə ehtiyac var. Fikrimcə, bu, indiki zamanın tələbidir. Xırda redaksiyalarda 3-5 jurnalistin olmağındansa, böyük bir holdinqdə 30-40 nəfərin çalışması, daha yaxşı olar. Bu həm jurnalistlərin, həm də redaksiyaların müsbət inkişafına gətirib çıxara bilər”.

Bəxtiyar Məmmədli jurnalistika sahəsi ilə bağlı arzularından da söz açıb:

“Hər zaman jurnalistika ilə bağlı dünyada olmasa da, regionda tanınan, istinad edilən bir brendə sahib olmaq istəmişəm. Yəni, bu gün Azərbaycan insanı, kobud səslənsə də, burnunun ucundan irəlini görməlidir. Bizdə bunu bacaracaq insanlar çoxdur. Ona görə də Azərbaycanla bağlı müxtəlif sahələri əhatə edən milli brendlər olmalıdır. Təbii ki, bunlar böyük pullar tələb edir. Lakin istək varsa, ona doğru addımlamaq lazımdır. İnşallah, qismət olarsa, bu ideyamı gerçəkləşdirəcəm”.

 


Günay RƏSULQIZI
Xəbərin müəllifi
xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Milli parka zibil atdı, 500 manat cərimələndi
15.08.2018, 11:08

Milli parka zibil atdı, 500 manat cərimələndi

Tanınmış jurnalist Səbuhi Məmmədli xəstəxanaya yerləşdirildi
15.08.2018, 10:50

Tanınmış jurnalist Səbuhi Məmmədli xəstəxanaya yerləşdirildi

Bu ərazilər susuz qalacaq - SİYAHI
15.08.2018, 10:44

Bu ərazilər susuz qalacaq - SİYAHI

 «Magistr» jurnalının 7-ci nömrəsi çapdan çıxıb
15.08.2018, 10:37

 «Magistr» jurnalının 7-ci nömrəsi çapdan çıxıb

Mehman Hüseynov şərti azadlıq üçün məhkəməyə müraciət etdi
15.08.2018, 10:20

Mehman Hüseynov şərti azadlıq üçün məhkəməyə müraciət etdi

Nazirlik: Verilən göstərişləri icra etməyən iaşə obyektlərinin fəaliyyəti dayandırılacaq
15.08.2018, 10:16

Nazirlik: Verilən göstərişləri icra etməyən iaşə obyektlərinin fəaliyyəti dayandırılacaq

Putin Şimali Koreya lideri ilə görüşə RAZILAŞDI
15.08.2018, 10:12

Putin Şimali Koreya lideri ilə görüşə RAZILAŞDI

Kapital Bank “Breyn Rinq”in qalib komandasını mükafatlandırdı
15.08.2018, 10:06

Kapital Bank “Breyn Rinq”in qalib komandasını mükafatlandırdı

Ermənistan atəşkəsi 91 dəfə pozdu
15.08.2018, 09:52

Ermənistan atəşkəsi 91 dəfə pozdu

Məktəbəhazırlıq qruplarına sənəd qəbulu başlayır
15.08.2018, 09:38

Məktəbəhazırlıq qruplarına sənəd qəbulu başlayır

ABŞ müdafiə naziri Rusiya və Çini HƏDƏLƏDİ
15.08.2018, 09:37

ABŞ müdafiə naziri Rusiya və Çini HƏDƏLƏDİ

İtaliyada körpü uçması nəticəsində ölənlərin sayı 31-ə çatdı
15.08.2018, 09:30

İtaliyada körpü uçması nəticəsində ölənlərin sayı 31-ə çatdı

Polis bir gündə 79 nəfəri saxladı
15.08.2018, 09:19

Polis bir gündə 79 nəfəri saxladı

Ərdoğan ABŞ məhsullarına idxal rüsumunu artırdı
15.08.2018, 09:06

Ərdoğan ABŞ məhsullarına idxal rüsumunu artırdı

Azərbaycan manatının 26 yaşı tamam oldu
15.08.2018, 09:00

Azərbaycan manatının 26 yaşı tamam oldu

Azərbaycanda bəzi qazilərin rütbəsi artırılıb
15.08.2018, 08:38

Azərbaycanda bəzi qazilərin rütbəsi artırılıb

Manat və dolların bugünkü MƏZƏNNƏSİ
15.08.2018, 08:27

Manat və dolların bugünkü MƏZƏNNƏSİ

Bakıda qəza böyük tıxac yaratdı
15.08.2018, 00:56

Bakıda qəza böyük tıxac yaratdı

Baş nazir faciə qurbanlarının sayını açıqladı: 22 nəfər
15.08.2018, 00:42

Baş nazir faciə qurbanlarının sayını açıqladı: 22 nəfər

Qarabağdakı abidələrimizin memarlıq quruluşu dəyişdirilir - FOTOLAR
15.08.2018, 00:29

Qarabağdakı abidələrimizin memarlıq quruluşu dəyişdirilir - FOTOLAR

Bitkoin ucuzlaşıb
15.08.2018, 00:13

Bitkoin ucuzlaşıb

Qurban Qurbanov komandadan razıdır
14.08.2018, 23:58

Qurban Qurbanov komandadan razıdır

Lənkəranda qohumu gənc qadını bıçaqladı
14.08.2018, 23:46

Lənkəranda qohumu gənc qadını bıçaqladı

Körpü uçan şəhərdə iki günlük matəm elan edildi
14.08.2018, 23:31

Körpü uçan şəhərdə iki günlük matəm elan edildi

Azərbaycan qızıl hasilatından 180 milyon gəlir əldə edib
14.08.2018, 23:17

Azərbaycan qızıl hasilatından 180 milyon gəlir əldə edib

Azərbaycan nefti ucuzlaşdı
14.08.2018, 23:01

Azərbaycan nefti ucuzlaşdı

“Qarabağ” mübarizəni Avropa Liqasında davam etdirəcək – YENİLƏNİB
14.08.2018, 22:49

“Qarabağ” mübarizəni Avropa Liqasında davam etdirəcək – YENİLƏNİB

Yaşamaq üçün ən yaxşı şəhər
14.08.2018, 22:24

Yaşamaq üçün ən yaxşı şəhər

Bakı küçələrini bu maşınlar süpürəcək - VİDEO
14.08.2018, 22:06

Bakı küçələrini bu maşınlar süpürəcək - VİDEO

İtaliyada körpünün uçma səbəbi bilindi
14.08.2018, 21:52

İtaliyada körpünün uçma səbəbi bilindi

Ömrün 55-də şəhidliyin mübarək... - VİDEO
14.08.2018, 21:37

Ömrün 55-də şəhidliyin mübarək... - VİDEO

“Bu Xəzərlə bağlı bütün danışıqlarda rekorddur” - Lavrov
14.08.2018, 21:16

“Bu Xəzərlə bağlı bütün danışıqlarda rekorddur” - Lavrov

Xətaidə mənzildə kişi meyiti tapıldı
14.08.2018, 20:54

Xətaidə mənzildə kişi meyiti tapıldı

Bakıda dolları belə yandırdılar - VİDEO   
14.08.2018, 20:42

Bakıda dolları belə yandırdılar - VİDEO  

Türkiyə ABŞ istehsalı olan tikinti materiallarından imtina edir
14.08.2018, 20:29

Türkiyə ABŞ istehsalı olan tikinti materiallarından imtina edir

ARXİV