Türkiyə Silahlı Qüvvələri Şimali İraqda bəzi bölgələri ələ keçirib.
Modern.az Türkiyə KİV-nə istinadən xəbər verir ki, bu barədə məlumatı Türkiyənin daxili işlər naziri Süleyman Soylu verib.
Onun sözlərinə görə, Türkiyə ordusu qısa müddət ərzində Qəndil bölgəsinə çatacaq. Hakurk xəttində bir çox nöqtənin ələ keçirildiyini deyn Soylu heç kimi narahat olmamağa çağırıb:
“Qəndilin sonu necə olacaq deyə düşünməyə dəyməz. Bizim üçün hazırda düzgün zamanı müəyyənləşdirmək vacibdir. Qəndil Türkiyə üçün təhlükəsiz ərazi olmalıdır. Heç kim narahat olmasın”.
