20 avqust 2018, Bazar ertəsi
Ana Səhifə - MƏDƏNİYYƏT - Hamlet Xanızadənin qızı: “O hadisədən sonra atamın sanki beli büküldü”  
Hamlet Xanızadənin qızı: “O hadisədən sonra atamın sanki beli büküldü”  
05.06.2018, 08:56

Bu gün  Azərbaycan teatr və kino aktyoru, kino sənətində öz imzasını qoymuş sənətkar, əməkdar artist Hamlet Xanızadənin doğum günüdür. Aktyor  yaşasaydı, 77 yaşını qeyd edəcəkdi.

H.Xanızadə 5 iyun 1941-ci ildə Bakının Şaqan kəndində doğulub. 1965-ci ildə Mirzəağa Əliyev adına Azərbaycan Dövlət İncəsənət İnstitutunu bitirib.

Görkəmli aktyorumuz 3 fevral 1990-cı ildə 49 yaşında, 20 Yanvar faciəsindən 13 gün sonra vəfat edib. 20 Yanvar hadisələri aktyoru dəhşətli dərəcədə sarsıtmışdı və günlərin birində bu ağrılar onun ürəyini əbədi olaraq susdurdu.

Hamlet Xanızadə 1971-ci ildə Nailə xanımla ailə həyatı qurub. Onların evliliyindən iki qızları - Aygün və Xumar Xanızadə dünyaya gəlib.


Modern.az
saytı aktyorun doğum günü münasibətilə onun qızı Aygün Xanızadə ilə həmsöhbət olub.


H.Xanızadənin atası Bəbir kişi onu aktyor görmək istəmirdi. Amma Hamletin qəlbində baş qaldıran aktyorluq həvəsi hər şeyə qalib gəldi.


Aygün Xanızadə deyir ki, Hamlet Xanızadənin atası onu həkim görmək istəyirmiş:


“Atamgil ailədə  üç uşaq olublar, böyüyü də atam olub. Babam atamı həkim görmək istəsə də, o, gizlincə sənədlərini  indiki Mədəniyyət və İncəsənət Universitetinə verir və qəbul olunur.

Atamla anam sevib ailə qurublar.  Kamal Xudaverdiyevlə anamgilin eyvanları qarşı-qarşıya olub. İlk dəfə bir-birlərini həmin eyvanda görüblər. Sonra tanış olublar, münasibətləri ciddiləşəndə xəbər tutublar ki, ikisinin də anası bir yerdə - Əzizbəyov adına doğum evində işləyir”.


Müsahibimizin sözlərinə görə, Hamlet Xanızadə qayğıkeş, mehriban ata idi:


“Bizimlə bağlı ən böyük arzusu oxuyub həkim olmamız idi. Amma heç birimiz bunu etmədik. Bacım Xumar da, mən də incəsənət sahəsi üzrə təhsil aldıq. Xumar Mədəni-Maarif Texnikumunu, mənsə Mədəniyyət və İncəsənət Universitetinin menecer ixtisasını bitirdim.

Atam çox kitablar oxuyur, rolları məşq edirdi. Otaqda ona məxsus guşə vardı, orda şkafı, qəzetləri, "Dəli yığıncağı" tamaşasında istifadə etdiyi eynəyi vardı”.


Aygün xanım aktyorun son anlarından da söz açıb:


“20 Yanvar gecəsi atam evdən aktyor Bürcəli Əsgərovla birgə çıxdı, yolda vurulan oğlana kömək etmişdilər, gecə evə gəlmədi, səhərə yaxın gəldi, vəziyyəti danışdı və getdi. Şəhərdən gələndə üzünün rəngi heç yadımdan çıxmaz. Sanki beli də bükülmüşdü, hadisələr ona çox pis təsir etdi. Üzü gülmürdü, çörək yemirdi, evə hər gün fikirli gəlirdi. O vaxt "Qətl günü" filminə çəkilirdi. Çox ağır film idi. O film elə çəkildiyi son film oldu.

Fevralın 2-si çəkilişdən sonra dostlarıyla qəbirüstünə gedirlər, orda güclü başağrıları tutur, onu evə gətirirlər, onda artıq demək olar ki, özündə deyirdi, Bürcəli Əsgərovun həkim oğlu dedi ki, xəstəxanaya aparmaq lazımdır. Atamı reanimasiyaya yerləşdirdilər, orda bir gün qaldı, səhərə yaxın xəbər gəldi ki, keçinib”.


Hamlet Xanızadənin tələbə yoldaşı, yaxın dostu, tanınmış rejissor və aktyor Elxan Qasımov onun haqqında belə deyir:


“Hamleti tələbəlik illərindən ciddi, çalışqan, dostcanlı biri kimi xatırlayıram. O öz aktyorluğu ilə tələbələr arasında, universitetdə seçilirdi. Teatr İnstitutunda, kursda istər-istəməz 4-5 nəfər lider olurdu. Hamlet də öz kurslarında öndə gedən tələbələrdən idi. Məsələn, deyirdilər ki, “Hamletgilin kursu”. Tələbəlikdən sonra kimsə digərindən soruşurdu ki, “sən hansı kursda oxuyurdun?”, o da cavab verirdi ki, “Hamletgil oxuyan kursda”. Yəni Hamlet öndəgedənlər idi, amma heç vaxt mənsəb dalınca qaçmayan, çinovlikliyə həvəsi olmayan biri oldu. O adam üçün ən yüksək pillə aktyorluq idi. Heç bir şeyə təmənnası yox idi. Aktyor kimi də dahi idi. O bir sənətkar kimi Azərbaycan kino və teatr aktyorları içində ən çalışqanlarından idi. Mən şəxsən bir rejissor, 50 ildən yuxarı sənətdə olan adam kimi deyirəm, Hamlet Xanızadəni zəhmətkeş və çalışqan aktyor kimi ancaq Məlik Dadaşovla müqayisə etmək olar. Hamlet rolu özünküləşdirməmiş səhnəyə çıxmazdı. Onunla bir yerdə filmlərdə çəkilmişəm. “Axırıncı aşırım” filmində görmüşəm. “Köhnə bərə” bədii filmimi çəkəndə o Raykom katibini oynayırdı. Hamletin o ciddiliyi, işə yanaşması mənim həmişə xatirimdədir. Siz onun “Qətl günü” filmində Sədi Əfəndi, “Babək”də xəlifə Möttəsim, “Arxadan vurulan zərbə”də İmaş, “Topal Teymur” tamaşasında Topal Teymur və başqa obrazlarını da sadalaya bilərsiniz. Amma bunlar hamısı mənim gözümün qabağında olanlardır, onun qrimi axtarıb tapmağı, obraza yanaşmağı başqa cür idi... Ümumiyyətlə, ciddi insan idi. Yaxşı dost idi. Hamletin elə bir hərəkəti olmayıb ki, sonradan xəcalət çəksin.

Kinoda və teatrda ən ciddi rolları Hamlet oynayıb. Öz sənətinə o qədər ciddi yanaşıb ki... Ümumiyyətlə, bütün obrazlara ciddi yanaşırdı. Teatrda Hamletin oynadığı obrazlar böyük-kiçikliyindən asılı olmayaraq seçilərdi”.


Günay RƏSULQIZI
Xəbərin müəllifi
xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
“Taliban” atəşkəs elan etdi
20.08.2018, 00:52

“Taliban” atəşkəs elan etdi

Bakıda keçirilən
20.08.2018, 00:33

Bakıda keçirilən "GymBala" beynəlxalq turniri yekunlaşdı

Bu şirkət dünyada tarixi ilkə imza atacaq
20.08.2018, 00:16

Bu şirkət dünyada tarixi ilkə imza atacaq

Elmar Qasımov Avropa çempionu oldu
19.08.2018, 23:58

Elmar Qasımov Avropa çempionu oldu

Ebola bu ölkədə 49 can aldı
19.08.2018, 23:45

Ebola bu ölkədə 49 can aldı

105 yaşlı keçmiş hərbçi diplomunu 83 il sonra aldı
19.08.2018, 23:27

105 yaşlı keçmiş hərbçi diplomunu 83 il sonra aldı

Müharibənin ayırdığı qardaşlar 7 il sonra Həcc ziyarətində qarşılaşdılar - VİDEO
19.08.2018, 23:09

Müharibənin ayırdığı qardaşlar 7 il sonra Həcc ziyarətində qarşılaşdılar - VİDEO

Qəzada ana və azyaşlı oğlu xəsarət aldı
19.08.2018, 22:58

Qəzada ana və azyaşlı oğlu xəsarət aldı

Güclü zəlzələ Türkiyəni silkələdi
19.08.2018, 22:41

Güclü zəlzələ Türkiyəni silkələdi

Sərhəddə 18 kilometrlik növbə yarandı
19.08.2018, 22:15

Sərhəddə 18 kilometrlik növbə yarandı

Paşayeva Makedoniya və Koreya türkləri ilə bir arada
19.08.2018, 22:01

Paşayeva Makedoniya və Koreya türkləri ilə bir arada

Trampın müşaviri İsraildədir
19.08.2018, 21:46

Trampın müşaviri İsraildədir

“Neftçi” çempionatın lideri oldu
19.08.2018, 21:29

“Neftçi” çempionatın lideri oldu

Bakıda növbəti avtobus davası - VİDEO
19.08.2018, 21:12

Bakıda növbəti avtobus davası - VİDEO

Lənkəran sakini ot biçərkən öldü
19.08.2018, 20:47

Lənkəran sakini ot biçərkən öldü

Çində güclü qasırğa
19.08.2018, 20:32

Çində güclü qasırğa

İndoneziyanı güclü zəlzələ silkələdi
19.08.2018, 20:18

İndoneziyanı güclü zəlzələ silkələdi

Azərbaycanda benzin bahalaşdı
19.08.2018, 20:01

Azərbaycanda benzin bahalaşdı

Bərdədə inzibati binada yanğın baş verib
19.08.2018, 18:00

Bərdədə inzibati binada yanğın baş verib

"Barselona" 105 milyonluq futbolçudan imtina etdi
19.08.2018, 17:47

"Barselona" 105 milyonluq futbolçudan imtina etdi

Saatlı sakini özünü odlu silahla vuraraq intihar edib
19.08.2018, 17:30

Saatlı sakini özünü odlu silahla vuraraq intihar edib

Barda atışma - 1 nəfər ölüb, 3-ü yaralanıb
19.08.2018, 17:17

Barda atışma - 1 nəfər ölüb, 3-ü yaralanıb

Dünyanın ən bahalı avtomobili: 17,5 milyon dollar
19.08.2018, 17:00

Dünyanın ən bahalı avtomobili: 17,5 milyon dollar

Möhtəşəm ixtira: artıq sizi aldada bilməyəcəklər
19.08.2018, 16:40

Möhtəşəm ixtira: artıq sizi aldada bilməyəcəklər

Azərbaycan səmasında UNO görünüb?   
19.08.2018, 16:20

Azərbaycan səmasında UNO görünüb?  

Daha bir ölkədən Türkiyəyə dəstək      
19.08.2018, 16:04

Daha bir ölkədən Türkiyəyə dəstək    

Məşhur türkiyəli futbolçu soyuldu
19.08.2018, 15:48

Məşhur türkiyəli futbolçu soyuldu

Sabah ölkə ərazisində küləkli hava şəraiti davam edəcək
19.08.2018, 15:27

Sabah ölkə ərazisində küləkli hava şəraiti davam edəcək

23-qat olimpiya çempionu: "Güclü depressiyaya düşdüm"
19.08.2018, 15:07

23-qat olimpiya çempionu: "Güclü depressiyaya düşdüm"

Hindistanda daşqınlar nəticəsində ölənlərin sayı 357 nəfərə çatıb
19.08.2018, 14:50

Hindistanda daşqınlar nəticəsində ölənlərin sayı 357 nəfərə çatıb

İran turistlərin pasportlarına möhür vurmağı ləğv edir
19.08.2018, 14:39

İran turistlərin pasportlarına möhür vurmağı ləğv edir

Dəmirçi-Lahıc yolunda hərəkət tam olaraq məhdudlaşdırılıb
19.08.2018, 14:22

Dəmirçi-Lahıc yolunda hərəkət tam olaraq məhdudlaşdırılıb

Şimali Koreya icazə verdi: Yoxlayın
19.08.2018, 14:10

Şimali Koreya icazə verdi: Yoxlayın

“Taliban” Əfqanıstanın Faryab əyalətinin bir hissəsini ələ keçirdi
19.08.2018, 13:52

“Taliban” Əfqanıstanın Faryab əyalətinin bir hissəsini ələ keçirdi

ABŞ-da konsertdə konstruksiya aşdı  - 14 yaralı var
19.08.2018, 13:40

ABŞ-da konsertdə konstruksiya aşdı - 14 yaralı var

ARXİV