“Bakı Metropoliteni” QSC sosial şəbəkələrdə müzakirə mövzusuna çevrilən xanımın “Nərimanov” stansiyasında relslərin üzərində çəkilmiş şəkillərinə aydınlıq gətirib.
Qurumun İctimaiyyətlə əlaqələr şöbəsinin rəis müavini Bəxtiyar Məmmədov Modern.az-a bildirib ki, bu, film çəkilişlərindən olan kadrlardır:
““Addım” gənclər təşkilatının müraciəti və "Bakı Metropoliteni" QSC-nin rəhbərliyinin rəsmi icazəsi əsasında “Gənclik” və “Nəriman Nərimanov” stansiyalarında “Qaynana” filminin çəkilişləri aparılıb.
B.Məmmədov deyib ki, fotokadrlar həmin çəkiliş qrupunun üzvlərindən birinindir:
“Çəkiliş gecə saatlarında təmas relsindən gərginlik çıxarıldıqdan sonra aparılıb. Çəkiliş qrupunun üzvləri hər hansı bir təhlükə ilə üz-üzə olmayıb. Çəkiliş normal şəraitdə başa çatıb”.