Modern.az

“Azərxalça”ya yeni mətbuat katibi təyin olunub

“Azərxalça”ya yeni mətbuat katibi təyin olunub

22 İyun 2018, 12:15

Azərxalça” Açıq Səhmdar Cəmiyyətinə yeni mətbuat katibi təyin olunub.

Modern.az "Report"a istinadən xəbr verir ki, bu vəzifəyə Tural Səfərov gətirilib. 

Qeyd edək ki, T.Səfərov 1984-cü ildə anadan olub. Əmək fəaliyyətinə Naxçıvcan Dövlət Televiziyasında redaktor olaraq başlayıb. Bundan sonra Naxçıvan Muxtar Respublikası Dövlət Televiziya və Radio Verilişləri Komitəsinin Proqram buraxılış və əlaqələndirmə direksiyasının direktoru olub. Naxçıvan Muxtar Respublikası Ali Məclisinin Aparatının Mətbuat və ictimaiyyətlə əlaqələr şöbəsinin baş məsləhətçisi işləyib, həmçinin bir müddət mətbuat şöbəsinin müdiri vəzifəsini əvəz edib. Daha sonra Naxçıvan Muxtar Respublikası Ali Məclisi və Nazirlər Kabinetinin orqanı olan “Şərq qapısı” qəzetinə baş redaktor təyin edilib. Eyni zamanda "Cahan Press" İnformasiya Agentliyinin təsisçisi və baş redaktoru olub.

Xatırladaq ki, bundan əvvəl bu vəzifəni Real TV-nin əməkdaşı olan Ləman Əşrəfqızı yerinə yetirirdi.

Youtube
Kanalımıza abunə olmağı unutmayın!
Keçid et
Ukraynadan Rusiyaya ardıcıl zərbələr: Vəziyyət kritikdir