Modern.az

Müdafiə sənayesi naziri Yavər Camalov vəfat etdi  

Müdafiə sənayesi naziri Yavər Camalov vəfat etdi   

23 İyun 2018, 19:00

Müdafiə sənayesi naziri Yavər Camalov bu gün qəflətən dünyasını dəyişib. Məlumatı Modern.az-a mərhum nazirin ailəsinin yaxınları veriblər.

Qeyd edək ki, Yavər Camalovun uzun müddət idi xərçəng xəstəliyindən əziyyət çəkdiyi bildirilirdi.


Yavər Camalov 17 oktyabr 1949-cu ildə Sabirabad rayonunun Çölbeşdəli kəndində anadan olub.

1972-ci ildə Azərbaycan Neft və Kimya İnstitutunu bitirib.

1972 - ci ildə “Siyəzənneft” Neftqazçıxarma idarəsinin operatoru, 1972 – 1989- cu illərdə “Şirvanneft” Neftqazçıxarma idarəsində operator, mühəndis, böyük mühəndis, növbə rəisi, rayon mühəndis-texnoloji xidməti rəisinin müavini, baş mühəndis – sex rəisinin müavini, NQÇİ-nin baş mühəndisi, 1989 – 1995 - ci illərdə “Şirvanneft” Neftqazçıxarma idarəsinin rəisi, 1995 – 2003 - cü illərdə Quruda Neftqazçıxarma İstehsalat Birliyinin baş direktoru, 2003 – 2006 - cı illərdə “Azneft” İstehsalat Birliyinin baş direktoru vəzifələrində çalışıb.

Ölkə Prezidentinin 18 mart 2006 - cı il tarixli sərəncamı ilə Azərbaycan Respublikasının Müdafiə Sənayesi naziri təyin edilib.

Yavər Camalov 16 oktyabr 2009-cu ildə İlham Əliyevin sərəncamına əsasən ölkənin iqtisadi inkişafındakı xidmətlərinə görə “Şöhrət” ordeni ilə təltif edilib.

Evli idi, 2 oglu var.

Qeyd edək ki, Yavər Camalovun  44 yaşlı oğlu Rövşən Camalov ötən ilin sentyabrında Türkiyədəki özəl xəstəxanalardan birində xərçəng xəstəliyindən dünyasını dəyişib.

Allah rəhmət eləsin...

Telegram
Hadisələri anında izləyin!
Keçid et
Hərbi gəmilər döyüşə hazır vəziyyətə gətirildi