İran prezidenti Həsən Ruhani Türkiyə prezidenti Rəcəb Tayyib Ərdoğanı növbəti dəfə prezident seçilməsi münasibəti ilə təbrik edib.
Modern.az “Habertürk”ə istinadən xəbər verir ki, bu barədə İran prezidentinin rəsmi internet səhifəsində yazılı təbrik yerləşdirilib.
“Prezident seçkilərində qələbəniz və səslərin xalqın sizə inamını yenidən göstərməsi münasibəti ilə sizi sevinc və xoşbəxtliklə təbrik edirəm. Prezidentliyin dövründə güclü dini, tarixi və mədəni bağları olan iki ölkənin yaxşı qonşuluq şəraitində islam dünyasında və bölgədə qarşılıqlı maraqlara hörmət, sülh və barışın güclənməsi üçün qarşılıqlı əlaqələrə ümid edirəm. Allaha siz və qardaş Türkiyə xalqına səadət və xoşbəxtlik üçün dua edirəm” – yazılı təbrikdə qeyd edilib.
Əvəz ZEYNALOV