Son günlər ilan sancması ilə bağlı Klinik Tibbi Mərkəzin Toksikologiya şöbəsinə 1 nəfər müraciət edib.
Bu barədə Modern.az saytına Kliniki Tibbi Mərkəzin Toksikologiya şöbəsinin rəhbəri Azər Maqsudov məlumat verib.
O bildirib ki, havalar isinsə də, müraciətlər azdır:
“Əsas müraciətlər spirtli içkilərlə əlaqəli olub. Belə ki, bu istiqamətdə zəhərlənmə halları olmasa da, sərxoşluqla bağlı bizə 8 nəfər müraciət edib. Bundan əlavə, şöbəyə həkimin təyinatı ilə dərmandan sonra yaranan allergik reaksiya ilə bağlı 1 nəfərin müraciəti daxil olub”.