Tanınmış jurnalist Natiq Cavadlının qızı Ayçiçək Cavadlı Türkiyədə verdiyi imtahanda yüksək bal toplayaraq, tələbə adını qazanıb.
N.Cavadlı Modern.az-a bildirib ki, qızı Sivas şəhərindəki Cümhuriyyət Universitetinin tibb fakültəsinə qəbul olunub.
Onun sözlərinə görə, Ayçiçək Türkiyənin 11 universitetinə imtahan verib.
“Hələlik ikisinin cavabı məlumdur. Tibb fakültəsilə yanaşı, kompüter mühəndisliyini də qazanıb. Digərlərinin də cavabı önümüzdəki günlərdə açıqlanacaq. Amma çox güman ki, tibb fakültəsini seçəcək”,-deyə N.Cavadlı bildirib.
