Çempionlar Liqasının I təsnifat mərhələsinin ilk oyununa çıxan "Qarabağ" Sloveniyanın "Olimpiya" komandası ilə qarşılaşıb. Modern.az xəbər verir ki, oyunun ilk hissəsində qapılara qol vurulmayıb.
İkinci hissədə daha üstün "Qarabağ" 79-cu dəqiqədə istəyinə çatıb. Donald Gerrye dəqiq zərbə ilə komandasını hesabda önə çıxarıb.
Bundan sonra oyunda gərginlik artıb və rəqib komanda 85-ci dəqiqədə azlıqda qalıb. Belə ki, "Olimpiya"nın oyunçusu İssah Abass qırmızı vərəqə alıb.
90+1-ci dəqiqədə isə Qara Qarayev qırmızı vərəqə alaraq komandasını azlıqda qoyub.
Buna baxmayaraq "Qarabağ" səfərdə "Olimpiya"nı 1:0 hesabı ilə məğlub edərək onun üçün vacib olan 3 xalı qazanıb.
Qeyd edək ki, bu komandalar arasında cavab oyunu iyulun 18-də Bakıdakı Tofiq Bəhramov adına Respublika stadionunda keçiriləcək. “Qarabağ” mərhələ adlayacağı təqdirdə ikinci seçmə mərhələsində “Kukesi” (Albaniya)-“Valetta” (Malta) cütünün qalibi ilə qarşılaşacaq.