ABŞ Ədliyyə nazirliyi xüsusi prokuror Robert Müllerin araşdırması çərçivəsində 12 Rusiya vətəndaşına qarşı ittiham irəli sürüb. Modern.az “RİA Novosti”yə istinadən xəbər verir ki, bu barədə ABŞ Ədliyyə nazirinin birinci müavini Rod Rozenstayn bildirib.
“Rusiya xüsusi xidmət orqanlarının 12 əməkdaşı ABŞ-da 2016-cı ildə keçirilən seçkiqabağı kampaniya zamanı haker hücumlarının həyata keçirilməsində şübhəli bilinirlər. Onlar Rusiya Baş Kəşfiyyat İdarəsinin əməkdaşları olub. Həmin şəxslər seçki komissiyasının saytını sındırıblar”, - deyə Rod Rozenstayn qeyd edib.
Qeyd edək ki, fevralın 16-da ABŞ Ədliyyə nazirliyi Rusiyanın ABŞ-dakı seçkilərə müdaxilə işi çərçivəsində 12 Rusiya vətəndaşına qarşı ittiham irəli sürüb.
