Ötən gün müxtəlif çimərliklərdə boğulma təhlükəsilə qarşılaşanların statistikası açıqlanıb.
Modern.az xəbər verir ki, bu barədə Fövqəladə Hallar Nazirliyinin (FHN) rəsmi saytında məlumat verilib.
Qeyd edilib ki, Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən Mərdəkan, Bakı-bulvar, Türkan, Mingəçevir, Bilgəh, Corat, Zağulba-3 sularda xilasetmə məntəqələrinin ərazisində və qeyri-çimərlik (nəzarətsiz) ərazidə çimərkən batma təhlükəsi ilə üzləşmiş 11 nəfər xilas olunub.