Arxiv
16 İyul 2018, 17:30 | AKTUAL
Deputat: “Dövlətimizə arxadan zərbə vurmaq istəyənlərin niyyəti puç oldu”  

“Son vaxtlar xaricdən maliyyələşən bəzi qüvvələr Azərbaycanda əmin-amanlığı, ictimai-siyasi mühiti pozmaq, təxribat törətmək istəyir. İstər Gəncədə baş verən hadisə, istərsə də Sumqayıtda iğtişaş törətmək istəyən pozucu qüvvələr birmənalı olaraq bilməlidirlər ki, Azərbaycan dövləti hədsiz dərəcədə güclüdür və müvafiq qurumlarımız onların təxribat cəhdlərinə layiqincə cavab verəcək”.


Bunu Modern.az-a açıqlamasında Milli Məclisin deputatı Məlahət İbrahimqızı deyib.


Deputat bildirib ki, 1993-cü ildən Heydər Əliyev hakimiyyətə gəldikdən sonra Azərbaycanın güclü dövlət strukturları formalaşıb.


”Artıq 1993-cü ildən bu yana 25 il ötüb və Azərbaycan dünyada söz sahibidir. Bu gün Ordumuz dünyanın ən güclü ordusu olan 200 dövlətin içərisində 49-cu yerdədir.  Ölkə başçısının şəxsi nüfuzu və apardığı uzaqgörən siyasətin nəticəsində Azərbaycanla bağlı həqiqətlərin dünyaya çatdırılması və beynəlxalq təşkilatlarda qəbul olunan sənədlər bizim dövlətimizin gücündən xəbər verir. Bu gün Azərbaycanda xalq-iqtidar birliyi var. Azərbaycan xalqı ölkə başçısının və onun komandasının ətrafında sıx birləşib.  Bu gün Azərbaycan dövləti və onun strukturları ölkəmizdə ictimai-siyasi mühiti pozmaq istəyən qüvvələrə layiqli cavab vermək iqtidarındadır.  Həmin pozucu qüvvələr bilməlidirlər ki, Azərbaycanda 1994 və 1995-ci ildə çevrilişə cəhd edən qüvvələri xalq öz qarşısına aldı. Ulu öndər Heydər Əliyevin xalqa bir dəfə səslənməsi ilə bütün Azərbaycan vətəndaşları Prezident Administrasiyasının qarşısına toplandı. İnsanların öz dövlət başçısının ətrafında sıx birləşdi. Bu gün də Azərbaycan xalqı birmənalı olaraq cənab prezident İlham Əliyevi dəstəkləyir”.


Deputatın sözlərinə görə, bu hadisələr Azərbaycanın inkişafını qəbul edə bilməyənlərin təxribatıdır.

 

"Biz bu hadisələri həmişə pisləyirik. Biz həmişə dövlətimizin yanındayıq. Bütün dünya azərbaycanlılarının bir dövləti var. Həmin dövlətin atributunu daşıyan polisinə qarşı terror aktı törətməyə heç bir halda bəraət qazandırıla bilməz. Bu məsələ ciddi şəkildə qınanılmalıdır ".

 

M.İbrahimqızı deyib ki, Azərbaycan xalqı, ictimaiyyəti həmişə olduğu kimi, bu dəfə də dövlətə sədaqət nümayiş etdirdi:


“Hüquq-mühafizə orqanlarımız cinayətkarların tutulması və zərərsizləşdirilməsində üzərilərinə düşən vəzifəni layiqincə yerinə yetirdilər. Bu hadisələrin müqəddəs İslam dininə və bu dinə həqiqi bağlı olan müsəlmanlara heç bir aidiyyəti yoxdur. Cənab Prezident keçirdiyi müşavirədə terrorun törədilməsi səbəbi və onun arxasında duran məkirli qüvvələr haqqında ciddi mesajlar verdi. Əminəm ki, istintaq qısa müddətdə terror hadisəsini törətmiş cinayətkarları və onların xarici sifarişçilərini aşkarladığı kimi, digər günahkarları da müəyyən edəcək. Belə bir ağır cinayət törətmiş şəxslər qanunun bütün sərtliyi ilə layiq olduğu cəzalarını alacaqlar. Əminəm ki, dövlətimizə arxadan zərbə vurmaq istəyənlərin niyyəti və planı indiyədək olduğu kimi bundan sonra da puç olacaq. Mən fürsətdən istifadə edib Elmar Vəliyevə tezliklə sağalmağı arzulayır və iki şəhid polis polkovnikimizə Allahdan rəhmət, ailələrinə səbr diləyirəm”. 


Deputat həmçinin Prezident İlham Əliyevin Brüsseldə NATO-nun 29-cu sammitində iştirakını və səfər çərçivəsində keçirdiyi görüşləir, aparılan müzakirələri də şərh edib.


“İlham Əliyevin xarici siyasətində Avropa İttifaqı ilə münasibətlər mühüm yer tutur. Bu baxımdan, dövlətimizin başçısının Brüsselə səfəri zamanı Avropa İttifaqı Şurasının prezidenti Donald Tusk ilə keçirdiyi görüş və “Tərəfdaşlıq prioritetləri” sənədinin paraflanması ikitərəfli əlaqələrin inkişafında çox ciddi rol oynayacaq. Azərbaycan Avropa İttifaqı ilə müxtəlif proqramlar çərçivəsində çox fəal əməkdaşlıq edir. Cənubi Qafqaz regionunun lideri olaraq Azərbaycan böyük layihələrin müəllifi və iştirakçısıdır. Ölkəmizin liderliyi ilə reallaşan transmilli enerji layihələri, Cənub Qaz Dəhlizi layihəsi, onun tərkib hissəsi olan TANAP və TAP layihələri Avropanın enerji təhlükəsizliyində mühüm rol oynayır”.


Deputat dövlət başçısının Brüsselə səfəri zamanı  bir sıra ikitərəfli görüşlər keçirdiyini qeyd edib.


“Bildiyimiz kimi, cənab Prezident İlham Əliyev NATO-nun Əfqanıstanda həyata keçirdiyi əməliyyata töhfə verən tərəfdaş ölkələrin dövlət və hökumət başçılarının və potensial əməliyyat tərəfdaşlarının iştirakı ilə Qətiyyətli Dəstək missiyası üzrə Şimali Atlantika Şurasının görüşündə iştirak edib. Bildiyimiz kimi, Azərbaycanla NATO arasında çox fəal tərəfdaşlıq münasibətləri mövcuddur. Ölkəmiz bu təşkilatın müxtəlif proqramlarında yaxından iştirak edir”.

 

M.İbrahimqızı deyib ki, Prezident İlham Əliyev NATO çərçivəsində keçirilən görüşlərdə və çıxışında Ermənistanın işğalçılıq siyasətini bir daha ifşa etdi:


“Xüsusi məqam ondan ibarətdir ki, Brüsseldə keçirilən Zirvə toplantısının yekununda NATO-nun üzv dövlətləri qəbul etdikləri kommunikedə növbəti dəfə Azərbaycanın ərazi bütövlüyü, müstəqilliyi və suverenliyinə və eləcə də Ermənistan-Azərbaycan münaqişəsinin bu prinsiplər əsasında həllinə dəstək ifadə etdilər. Bu fakt diplomatik cəbhədə Azərbaycanın daha bir uğuru, işğalçı Ermənistanın isə məğlubiyyətidir”.

BU KATEQORİYADAN OLAN DİGƏR XƏBƏRLƏR
+ Arxiv
Müddətsiz əmək müqaviləsi ilə işləmək istəyən müəllimlərin müsahibəsi başladı 22 Aprel 2019, 12:46 Ukraynada səslərin 95%-i hesablandı 22 Aprel 2019, 12:29 Saatlının icra başçısı AXCP-çinin toyuna mane olub?  - “Paylaşımları görəndə, dəhşətə gəldik” -  Rəsmi AÇIQLAMA 22 Aprel 2019, 12:29 İrana yardım üçün ianə kampaniyası keçirilir 22 Aprel 2019, 12:21 “Neft bazarı çox kövrək xarakter alıb" - Nazir 22 Aprel 2019, 12:17 UNEC-də Ümummilli Liderə həsr olunan ilk TEDx konfransı 22 Aprel 2019, 12:06 Hərbi tibb sahəsində YENİLİK 22 Aprel 2019, 12:04 Bakıda 600 mindən çox sahibsiz it var və sayları artmaqdadır - TƏHLÜKƏ 22 Aprel 2019, 12:03 Binəqədidə Zərifə Əliyeva anıldı 22 Aprel 2019, 11:59 İndiyədək “Azəri-Çıraq-Günəşli”dən  çıxarılan neftin həcmi açıqlandı 22 Aprel 2019, 11:48 Çingiz Qənizadə Beyləqanda seçiciləri ilə görüşdü   22 Aprel 2019, 11:42 Rayonlarda sarı pasa qarşı mübarizə... 22 Aprel 2019, 11:40 İçində işıq gəzdirən və işığın içindəki Qulu 22 Aprel 2019, 11:35 Problemli kreditlərə görə ilk kompensasiyanı bu müştəri aldı – FOTO 22 Aprel 2019, 11:33 Qaret Beyl üçün Çin iddiası - Sərvət istədi 22 Aprel 2019, 11:30 Heydər Əliyev Mərkəzində “Oxu günü” keçirilib - FOTOLAR   22 Aprel 2019, 11:24 Abituriyentlərin nəzərinə: sınaq imtahanına qeydiyyat başlayıb 22 Aprel 2019, 11:23 Nazir müavini “Oş -Türk dünyasının mədəniyyət paytaxtı”nın AÇILIŞINDA 22 Aprel 2019, 11:09 Goranboyun başçısı sakinlərlə görüşdü   22 Aprel 2019, 11:02 Əfqanıstanda mədəndə 8 nəfər öldü 22 Aprel 2019, 10:51 Azərbaycan uşaqların milli geyimləri xaricilərin diqqətində 22 Aprel 2019, 10:41 İmişlidə yeni doğulan körpə öldü 22 Aprel 2019, 10:34 İqtisadçı problemli kreditlər üzrə kompensasiyaların qaranlıq məqamlarına AYDINLIQ GƏTİRDİ 22 Aprel 2019, 10:13 Bakı sakinini sifarişlə öldürüb yandıran şəxslər tutuldu - Dəhşətli HADİSƏ 22 Aprel 2019, 10:07 Problemli kreditlərlə bağlı Apellyasiya Komissiyası yaradıl 22 Aprel 2019, 10:02 Deputat Sumqayıtda qarşıya qoyulan məsələləri müzakirə etdi  22 Aprel 2019, 09:53 Ermənilər cəbhədə təxribatlara davam edir 22 Aprel 2019, 09:41 Bakının məşhur qonaqları - “KQB”nin məşhur generalına “Nizami xalçası”nı kim bağışlamışdı? - FOTOLAR 22 Aprel 2019, 09:41 Qobuda mağaza yanıb   22 Aprel 2019, 09:37 Azərbaycana xain gözlə baxanlar... 22 Aprel 2019, 09:34