"Amazon"un yaradıcısı Ceff Bezos müasir tarixin ən zəngin adamı olub. Modern.az “Trend”ə istinadən xəbər verir ki, Ceff Bezosun sərvəti 150 milyard dolları keçib. Bu il onun sərvəti 52 milyard dollar artıb. Onun ən yaxın izləyiciləri "Microsoftun" yaradıcısı Bill Qeyts və investor Uorren Baffetdir.
Beləliklə, "Amazon"un rəhbəri "Forbes"un ilk reytinqi çıxdığı vaxtdan (1982-ci il) ən böyük sərvətə malik insandır.
Bundan əvvəlki rekord Bill Qeytsdə məxsus olub. Onun 1999-cu ildə sərvəti 100 milyard dollar təşkil edib.
