Arxiv
20 İyul 2018, 08:31 | MƏDƏNİYYƏT
Aldadılan sənətçilər - Könül, Məleykə, Aygün...  

Bəzən yaradıclıq fəaliyyəti, bəzən isə qalmaqallarla gündəmə gələn bəzi sənət adamlarının adları həm də məhkəmə  zallarında hallanır. Bəzən məhkəmə proseslərində onların aldadılması, pullarının mənimsənilməsi faktları aşkarlananda, təəccüblənməyə bilmirsən.  Ötən gün müğənni Könül Kərimovaya, bu gün isə Nazpəri Dostəliyevaya qarşı edilən saxtakarlıq bunu sübut edir.


Modern.az
saytı məsələnin aktuallığını nəzərə alaraq aldadılan, müxtəlif yollarla  pulu mənimsənilən tanınmış sənət adamlarını təqdim edir.


Qeyd etdiyimiz kimi ötən gün Bakı Ağır Cinayətlər Məhkəməsində keçirilən prosesdə dələduzluqda təqsirləndirilən Məlahət Məmmədova adlı qadın əməkdar artist, müğənni Könül Kərimovanı aldatdığı üzə çıxıb.  Belə ki,  M.Məmmədova müğənninin oğlu Rəşad Rəhimovu Rusiya universitetlərindən birinə qəbul etdirib, daha sonra Azərbaycan Dövlət İqtisad Universitetinə köçürüləcəyi vədi verib. K.Kərimova bu məqsədlə Məmmədovaya ümumilikdə 32 min manat pul verib. Və necə deyərlər, ittə gedib, ip də...


Xalq artisti Nazpəri Dostəliyevanın
“Azərbaycanın şərq və qərb aşıq məktəblərinin xüsusiyyətləri və ifaçılıq ənənələrinin müqayisəli təhlili” mövzusunda dissertasiya müdafiə edərək fəlsəfə doktoru elmi dərəcəsi alması ilə bağlı məlumatlar yayılıb. Yayılan məlumatlar sosial şəbəkələrdə birmənalı qarşılanmamaqla bərabər, həm də müəyyən şübhələrə yol açıb. Ali Attestasiya Komissiyanın aparat rəhbəri, akademik Arif Quliyev mətbuata bildirib ki, yayılan fotoşəkillərdəki imza onun deyil: “Ali Attestasiya Komissiyası Nazpəri Dostəliyevaya elmi dərəcə verməyib. Ümumiyyətlə, elə şey olmayıb. Şəkildə göstərilən imza da mənim deyil, başqa adamın imzasıdır. Kimsə götürüb o imzanı ora vurub. Başdan-ayağa saxta bir şeydir. Görünür, xalq artistini aldadıblar”.
Bu açıqlamadan sonra Nazpəri xanım İntaqram-da alimlik dərəcəsi almasını “təsdiqləyən” şəhadətnamənin şəklini silib.

Xalq artisti  Könül Xasıyevanın  70 min manatı dələduzluq yolu ilə ələ keçirilib. Belə ki, 2014-cü ildə Xatirə Hacıyeva adlı şəxs müğənniyə ev almaqda yardımçı olacağını bildirib  və ondan 70 min manat alıb, lakin qaytarmayıb. Bununla bağlı K.Xasıyeva belə deyib: 
“Mənə 200-250 minlik evi ucuz qiymətə almağa kömək edəcəyini dedi. Maşınımı satdım, əlimdə olanları yığdım və 70 min verdim. Məni aldadıb, 2 ildir salıb çöllərə. 37 minlik maşınımı 12 minə özü əlimdən alıb”.

Tanınmış aşıq Namiq Fərhadoğlu da aldadılan  sənət adamlarından biridir. Belə ki, Rəşad Babayev və Elnur Həsənov adlı şəxslər 2014-2015-ci illərdə Aqil Məmmədovun 70 min 550 manat, Namiq Hüseynovun (Aşıq Namiq) 54 min 500 manat və Habil Hənifəyevin 53 min 500 manat pulunu dələduzluq yolu ilə ələ keçirməkdə ittiham ediliblər. İttihamda qeyd edilib ki, R.Babayevlə E.Həsənov həmin şəxslərə ucuz kompüter satacaqlarını vəd edərək aldadıblar.


Xalq artisti Məleykə Əsədovanın
adı bir vaxtlar nişanlısı ilə qalmaqalda çəkilib. Asif Vəliyev adlı şəxs Məleykə Əsədova ilə 2012-ci ilin əvvəlində tanış olub. Asif özünü ona imkanlı iş adamı kimi təqdim edib, hətta iş qurmaq, biznes adı ilə ondan 400 min manat borc da alıb. İstintaq materiallarında A.Vəliyevin xalq artistinə özünü Dubaydan Azərbaycana mal gətirən mömin biznesmen, sahibkar kimi təqdim etməsi öz əksini tapıb. Xaricdən “Maseratti” və “Mercedes Viano” markalı avtomobillər gətirməsinə söz verib və buna görə də M.Əsədovadan külli miqdarda pul alıb. Vaxt keçdikcə, xalq artisti Asifdən maşınları tələb etsə də, ikinci cürbəcür bəhanələr gətirməklə onu aldadıb. Aldadıldığını başa düşən M.Əsədova pullarını geri istəyib.  İstintaq materiallarına görə, bunları bilən xalq artisti Asiflə münasibəti birdəfəlik kəsib. Hətta üzləşdiyi bu hadisələrə görə onun səhhətində nasazlıq yaranıb, əsəbləri pozulub, ürəyində, səs tellərində problemlər əmələ gəlib. Uzun müddət Moskvada və İranda müalicə alıb.

Xalq artisti Aygün Kazımova da aldadılanlar siyahısındadır. O, iddia edib ki, təşkilatçı Nahid Emiloğlu onu aldadıb: “N. Emiloğlunun 2015-ci il avqustun 21-də onun “Ayrılarmı könül candan” adlı konsertinə 400 VİP bilet götürüb. Məcbur olub həmin 400 biletin pulunu özüm ödədim. Mənə konsertim günü stress yaşatdı”.

BU KATEQORİYADAN OLAN DİGƏR XƏBƏRLƏR
+ Arxiv
Ukraynada səslərin 95%-i hesablandı 22 Aprel 2019, 12:29 Saatlının icra başçısı AXCP-çinin toyuna mane olub?  - “Paylaşımları görəndə, dəhşətə gəldik” -  Rəsmi AÇIQLAMA 22 Aprel 2019, 12:29 İrana yardım üçün ianə kampaniyası keçirilir 22 Aprel 2019, 12:21 “Neft bazarı çox kövrək xarakter alıb" - Nazir 22 Aprel 2019, 12:17 UNEC-də Ümummilli Liderə həsr olunan ilk TEDx konfransı 22 Aprel 2019, 12:06 Hərbi tibb sahəsində YENİLİK 22 Aprel 2019, 12:04 Bakıda 600 mindən çox sahibsiz it var və sayları artmaqdadır - TƏHLÜKƏ 22 Aprel 2019, 12:03 Binəqədidə Zərifə Əliyeva anıldı 22 Aprel 2019, 11:59 İndiyədək “Azəri-Çıraq-Günəşli”dən  çıxarılan neftin həcmi açıqlandı 22 Aprel 2019, 11:48 Çingiz Qənizadə Beyləqanda seçiciləri ilə görüşdü   22 Aprel 2019, 11:42 Rayonlarda sarı pasa qarşı mübarizə... 22 Aprel 2019, 11:40 İçində işıq gəzdirən və işığın içindəki Qulu 22 Aprel 2019, 11:35 Problemli kreditlərə görə ilk kompensasiyanı bu müştəri aldı – FOTO 22 Aprel 2019, 11:33 Qaret Beyl üçün Çin iddiası - Sərvət istədi 22 Aprel 2019, 11:30 Heydər Əliyev Mərkəzində “Oxu günü” keçirilib - FOTOLAR   22 Aprel 2019, 11:24 Abituriyentlərin nəzərinə: sınaq imtahanına qeydiyyat başlayıb 22 Aprel 2019, 11:23 Nazir müavini “Oş -Türk dünyasının mədəniyyət paytaxtı”nın AÇILIŞINDA 22 Aprel 2019, 11:09 Goranboyun başçısı sakinlərlə görüşdü   22 Aprel 2019, 11:02 Əfqanıstanda mədəndə 8 nəfər öldü 22 Aprel 2019, 10:51 Azərbaycan uşaqların milli geyimləri xaricilərin diqqətində 22 Aprel 2019, 10:41 İmişlidə yeni doğulan körpə öldü 22 Aprel 2019, 10:34 İqtisadçı problemli kreditlər üzrə kompensasiyaların qaranlıq məqamlarına AYDINLIQ GƏTİRDİ 22 Aprel 2019, 10:13 Bakı sakinini sifarişlə öldürüb yandıran şəxslər tutuldu - Dəhşətli HADİSƏ 22 Aprel 2019, 10:07 Problemli kreditlərlə bağlı Apellyasiya Komissiyası yaradıl 22 Aprel 2019, 10:02 Deputat Sumqayıtda qarşıya qoyulan məsələləri müzakirə etdi  22 Aprel 2019, 09:53 Ermənilər cəbhədə təxribatlara davam edir 22 Aprel 2019, 09:41 Bakının məşhur qonaqları - “KQB”nin məşhur generalına “Nizami xalçası”nı kim bağışlamışdı? - FOTOLAR 22 Aprel 2019, 09:41 Qobuda mağaza yanıb   22 Aprel 2019, 09:37 Azərbaycana xain gözlə baxanlar... 22 Aprel 2019, 09:34 Bakıda tıxac yarandı 22 Aprel 2019, 09:29