Arxiv
20 İyul 2018, 16:32 | AKTUAL
 “Asan İmza” xidmətindən istifadə niyə bahalaşır? - Mobil Operator səbəbi belə İZAH ETDİ  

Xəbər verdiyimiz kimi, 15 avqust 2018-ci il tarixindən etibarən “Asan İmza” mobil elektron imza xidmətindən istifadənin qiyməti 1 manat yerinə 2,5 manat (ƏDV daxil) təşkil edəcək.

Dəyişikliklərin təşəbbüskarı kimi xidmətin operatoru olan “B.EST Solutions” şirkəti çıxış edib.

Şirkətdən Modern.az-a verilən açıqlamada bildirlib ki, Azərbaycan “Asan İmza” mobil identitet və imzanın buraxılışı üzrə layihənin reallaşdırıldığı dünyada ilk 10 ölkənin siyahısına daxil edilib.


“Regionda Ukrayna, Gürcüstan, Özbəkistan, Qırğızıstan, Əfqanıstanın daxil olduğu bir sıra ölkələrdə ən təhlükəsiz, istifadədə asan və İnternetə məhdud çıxışı olan istifadəçilər üçün əlyetərlilik baxımından bu texnologiyanın tətbiq edilməsi planlaşdırılır. Bununla yanaşı “Asan İmza” bazar rəqabətinin qaydalarını gözləyərək Azərbaycanda Elektron Rəqəmsal İmza (e-imza) ilə bərabər şəkildə qüvvədədir. Bu isə istifadəçilərə üstün variant seçimində dayanmağa imkan verir.   

“Asan İmza” mobil elektron imza xidmətinin qiymətinin qaldırılması iqtisadi amillər, xarici valyutanın kursundakı dəyişikliklər, Azərbaycanda müxtəlif xidmətlərin qiymətindəki artım, eləcə də təhlükəsizlik sisteminin yenilənməsində önəmli olan sistemə ümumi yükləmələrin artması, xarici vendorlar tərəfindən xidmətə olan xərclərin artması, xarici lisenziyaların əldə edilməsi ilə şərtlənir ki, bu xərclərin də ekvivalenti dollar ilə hesablanır. Hətta bu halda belə “Asan İmza” operatoru üçün birinci yerdə istifadəçilərin təklifləri durur ki, bunun əsasında bütün tranzaksiyaların ödənişsiz edilməsi qərara alınmış və bu qərar sayəsində bütün “Asan İmza” sahibkarları xidmətdən hər hansı bir məhdudiyyət olmadan istifadə edə bilcəklər”-deyə şirkət bəyan edib.


Açıqlamada daha sonra bildirilib:

“Bu gün bir çox ölkələr maliyyə və dövlət sistemlərinə kiber təhlükənin sayının artması ilə qarşılaşırlar. Cinayətkarlar bank xidmətinin istifadəçilərinin parollarını sındırır, sosial şəbəkələrdə nəinki adi istifadəçilərin, hətta iri şirkətlərin belə fərdi məlumatları və hesablarının oğurlanması kütləvi şəkildə həyata keçirilir. Arasıkəsilməz diversiyalar və kiber hücumlar şəraitində ölkənin informasiya sistemlərinin təhlükəsizliyinin təmin edilməsi fiziki sərhədlərin qorunmasından daha vacib strateji məsələdir. “Asan İmza” mobil elektron imza bu şəkildə qorunmanın sərhədlərindən biridir. Məhz bu səbəbdən biz “Asan İmza” xidmətinin keyfiyyətli şəkildə təqdim edilməsindəki köməyə və dəstəyə görə Azərbaycanın hər üç mobil operatoruna minnətdarlığımızı bildirmək istəyirik.

Eyni zamanda sertifikatların verilişi zamanı vətəndaşların identifikasiyasının təmin edilməsində innovativ xidmətlərin lokomotivi sayılan Azərbaycan Respublikası Vergilər Nazirliyinə xüsusi təşəkkür bildiririk. Onların sayəsində əminik ki, vətəndaşların imza sertifikatları yad əllərə düşmür. Daha bir minnətdarlığı ASAN Xidmət mərkəzlərinə bildirmək istəyirik, çünki onlar “Asan İmza”nı ölkəmizin istənilən nöqtəsində əldə etmək üçün vətəndaşlara şərait yaradırlar.

Kök sertifikatın etibarlılığı isə Rabitə, Nəqliyyat və Yüksək Texnologiyalar Nazirliyi tərəfindən təmin edilir. Daha bir minnətdarlıq maliyyə sektoru və innovativ təhlükəsiz elektron xidmətlərin təqdim edilməsinə görə “Asan İmza” xidmətinin bütün digər partnyorlarına bildirilir.

Xidmətin bütün fəaliyyəti boyu bu xidmətin göstərilməsilə bağlı heç bir münaqişə baş verməmişdir. Bundan əlavə istənilən demokratik respublika kimi Azərbaycan bazar iqtisadiyyatının qaydalarına riayət edir. Bu səbəbdən ölkənin bazarlarında bərabər şərtlərdə iki rəqabət göstərən məhsul - “Asan İmza” və “E-imza” tələbatçılara seçim hüququ təqdim edir. Bu, ölkənin təhlükəsizliyi nöqteyi-nəzərindən də çox vacibdir, çünki bu hal bir identitet sistemindən imtina zamanı digərindən istifadəyə keçidi təmin etməyə imkan verəcəkdir.

Biz anlayış və dəstəyə, həmçinin vətəndaşlarımızın fərdi məlumatlarının yüksək şəkildə qorunması ilə birlikdə innovativ, təhlükəsiz Azərbaycanın yaradılmasındakı birgə töhfəyə görə “Asan İmza”nın bütün istifadəçilərinə minnətdar olacağıq. Yalnız birgə səy nəticəsində biz ölkəmizin kiber təhlükəsizliyini təmin etmiş olacağıq.


Bundan əlavə, vətəndaşlarımızın sərf etdiyi sıfır vaxt ilə avtomatlaşdırılmış elektron xidmətlərin yaradılması üzrə istifadəçilərimizin təkliflərini eşitməyimizdən məmnun qalacağıq. Gəlin bunun üçün birgə səy göstərək”, - deyə “Asan İmza” mobil elektron imzanın operatoru olan “B.EST Solutions” Azərbaycan şirkətinin rəhbəri xanım Jana Krimpe bildirib.

 

Hazırda 500-dən çox dövlət və özəl elektron xidmətləri öz sistemlərində “Asan İmza”dan istifadə edirlər. “Asan İmza” müxtəlif dövlət və özəl strukturların çağrı mərkəzlərinə də inteqrasiya olunub. Onun köməyilə elektron vergi bəyannamələrinin verilişi, mal və transsərhəd xidmətlərinin gömrük xidmətində bəyan edilməsi, əmək müqavilələri haqqında bildirişlərin qeydiyyatı, abituriyentlərin on-line qeydiyyatı və s. həyata keçirilir.

 

BU KATEQORİYADAN OLAN DİGƏR XƏBƏRLƏR
+ Arxiv
UNEC-də Ümummilli Liderə həsr olunan ilk TEDx konfransı 22 Aprel 2019, 12:06 Hərbi tibb sahəsində YENİLİK 22 Aprel 2019, 12:04 Bakıda 600 mindən çox sahibsiz it var və sayları artmaqdadır - TƏHLÜKƏ 22 Aprel 2019, 12:03 Binəqədidə Zərifə Əliyeva anıldı 22 Aprel 2019, 11:59 İndiyədək “Azəri-Çıraq-Günəşli”dən  çıxarılan neftin həcmi açıqlandı 22 Aprel 2019, 11:48 Çingiz Qənizadə Beyləqanda seçiciləri ilə görüşdü   22 Aprel 2019, 11:42 Rayonlarda sarı pasa qarşı mübarizə... 22 Aprel 2019, 11:40 İçində işıq gəzdirən və işığın içindəki Qulu 22 Aprel 2019, 11:35 Problemli kreditlərə görə ilk kompensasiyanı bu müştəri aldı – FOTO 22 Aprel 2019, 11:33 Qaret Beyl üçün Çin iddiası - Sərvət istədi 22 Aprel 2019, 11:30 Heydər Əliyev Mərkəzində “Oxu günü” keçirilib - FOTOLAR   22 Aprel 2019, 11:24 Abituriyentlərin nəzərinə: sınaq imtahanına qeydiyyat başlayıb 22 Aprel 2019, 11:23 Nazir müavini “Oş -Türk dünyasının mədəniyyət paytaxtı”nın AÇILIŞINDA 22 Aprel 2019, 11:09 Goranboyun başçısı sakinlərlə görüşdü   22 Aprel 2019, 11:02 Əfqanıstanda mədəndə 8 nəfər öldü 22 Aprel 2019, 10:51 Azərbaycan uşaqların milli geyimləri xaricilərin diqqətində 22 Aprel 2019, 10:41 İmişlidə yeni doğulan körpə öldü 22 Aprel 2019, 10:34 İqtisadçı problemli kreditlər üzrə kompensasiyaların qaranlıq məqamlarına AYDINLIQ GƏTİRDİ 22 Aprel 2019, 10:13 Bakı sakinini sifarişlə öldürüb yandıran şəxslər tutuldu - Dəhşətli HADİSƏ 22 Aprel 2019, 10:07 Problemli kreditlərlə bağlı Apellyasiya Komissiyası yaradıl 22 Aprel 2019, 10:02 Deputat Sumqayıtda qarşıya qoyulan məsələləri müzakirə etdi  22 Aprel 2019, 09:53 Ermənilər cəbhədə təxribatlara davam edir 22 Aprel 2019, 09:41 Bakının məşhur qonaqları - “KQB”nin məşhur generalına “Nizami xalçası”nı kim bağışlamışdı? - FOTOLAR 22 Aprel 2019, 09:41 Qobuda mağaza yanıb   22 Aprel 2019, 09:37 Azərbaycana xain gözlə baxanlar... 22 Aprel 2019, 09:34 Bakıda tıxac yarandı 22 Aprel 2019, 09:29 Bu gündən problemli kreditləri olanlara kompensasiya ödənişi başlayır - RƏSMİ 22 Aprel 2019, 09:20 Bu gündən "Formula 1" ilə əlaqədar yollarda hərəkət məhdudlaşdırılacaq - SİYAHI 22 Aprel 2019, 08:58 Beynəlxalq Münasibətlərin Təhlili Mərkəzinin rəhbəri: “Soyuq beyinlə və isti qanla Dağlıq Qarabağı geri alacağıq” - MÜSAHİBƏ 22 Aprel 2019, 08:53 Vətəni ailədən öndə tutan QƏHRƏMAN - Kişilik NÜMUNƏSİ 22 Aprel 2019, 08:39