Bakıda restoranlardan biri toyuq qrilinin bir ədədini 20 manata satıb. Modern.az xəbər verir ki, belə bir hadisə ilə müğənni Xatirə İslam qarşılaşıb. Müğənni bu barədə özünün sosial hesabında video paylaşıb. Bu isə istifadəçilər arasında geniş müzakirələrə səbəb olub.
Xatirə İslamın sözlərinə görə, paytaxtın Azadlıq prospektində yerləşən "Bəyaz restoran"dan 2 ədəd toyuq qrili sifariş verib. Həmin məhsulu isə ona 40 manata satıblar. Bu isə onun narazılığına səbəb olub. Onun iddiasina görə, 3.50 qəpiklik toyuğu ona çox baha qiymətə satıblar.
Restoran sahibi Rəşad Abbasov “Xəzər xəbər”ə bildirib ki, həqiqətən də belə bir hal baş verib. O əlavə edib ki, toyuq qrilinin birinin 20 manata satılmasının səbəbi var.
Rəşad Abbasov, həmçinin, onu da bildirib ki, Xatirə İslam sifariş veridiyi zaman məhsulun qiyməti ilə bağlı heç bir etiraz etməyib.
