İranda dollara təlabat artdığından İran milli valyutası qarşısında daha da dəyər qazanıb. Modern.az xarici mediaya istinadən xəbər verir ki, hazırda sərbəst bazarda 1 dollar 10 min tüməndən baha olub.
Məlumata görə, İranda son bir neçə aydır yüksəlişi dayanmayan dollar bazarda 10 min 700 tümənə dəyişdirilir.
Avro 12 min 650 tümən, 1 türk lirəsi isə 2 min 250 tümən dəyərindədir.
İranda dolların qısa müddət ərzində 4 mindən 7 min 500 tümənə yüksəlməsindən sonra Prezident Həsən Ruhaninin hökuməti apreldə dolların 4 min 200 tümədə sabit saxlanılmasına qərar vermiş və sərbəst bazarda alğı-satqı qadağan etmişdi.
Dolların qəfil artımından əziyyət çəkən ticarətçilər bir müddət əvvəl küçə aksiyaları keçirmişdi.
