Azərbaycanın xalq artisti, şöhrət və şərəf ordenli bəstəkar Xəyyam Mirzəzadə vəfat edib.
Modern.az xəbər verir ki, Xəyyam Mirzəzadə uzun sürən xəstəlikdən sonra bu gün dünyasını dəyişib.
Xəyyam Mirzəzadə 1935-ci il oktyabrın 5-də Bakıda anadan olub. 1957-ci ildə Üzeyir Hacıbəyov adına Azərbaycan Dövlət Konservatoriyasını bitirib. Həmin ildən orada çalışır.
Onun əsərləri Avstriya, İngiltərə, Macarıstan, Hollandiya, Almaniya, İtaliya, Fransa və s. ölkələrdə ifa olunur. 30-dan artıq kinofilmə və 15 dram tamaşasına, estrada və caz pyeslərinə, populyar mahnılara musiqi bəstələyib.
Allah rəhmət eləsin...
