Modern.az

Ailəsi jurnalist Aqil Ələsgərin yoxa çıxdığını TƏSDİQLƏDİ

Ailəsi jurnalist Aqil Ələsgərin yoxa çıxdığını TƏSDİQLƏDİ

Media

1 Avqust 2018, 00:06

"Yeni Çağ” Media Qrupunun rəhbəri, jurnalist Fərəcov Aqil Ələsgər oğlu yoxa çıxıb. Modern.az-ın məlumatına görə, ailəsi iddia edir ki, onu naməlum şəxslər oğurlayıb.

 

Yenicag.az-ın yaydığı xəbərdə bildirilir ki, iyulun 30-u, axşam saatlarından etibarən Aqil Ələsgərdən heç bir xəbər yoxdur.

 

Bu məlumatı həmin sayta açıqlamasında Aqil Ələsgərin həyat yoldaşı Günay Fərəcova da təsdiqləyib. Günay xanım bildirib ki, Aqillə sonuncu dəfə iyulun 30-u, saat 19-00 radələrində danışıb:

 

“Aqillə sonuncu dəfə iyulun 30-u, saat 19:00 radələrində əlaqə saxlamışıq. Danışanda bizə dedi ki, tezliklə evə gələcək. Ancaq axşam saat 21:50-dən sonra mən və anası dəfələrlə zəng etsək də, o, nə zənglərimizə, nə də “WhatsApp” mesajlarımıza cavab verdi.

Əldə etdiyim məlumata görə, Aqil sonuncu dəfə *7555 taksi xidmətindən istifadə edib. Buna görə də onun sifariş etdiyi taksinin sürücüsü ilə danışdıq və ondan öyrəndik ki, avtomobil Qala yolunda naməlum şəxslər tərəfindən saxlanılıb və Aqili özləri ilə aparıblar. Bu zaman Aqilin eynəyi də taksidə qalıb. 

Hadisə ilə bağlı 102 xidmətinə müraciət etdik. Müraciətdən sonra Xəzər rayon polis idarəsinin 1 saylı polis bölməsində izahat yazdıq. Lakin həmin saatdan etibarən həyat yoldaşımdan xəbər ala bilmirik".

Aqil Ələsgər Azərbaycanda Fətullah Gülən təriqətinin, yaxud FETÖ-nün əməlləri barədə araşdırmaları ilə tanınır. Onun bu mövzuda kitabları da dərc olunub.

Facebook
Dəqiq xəbəri bizdən alın!
Keçid et
Əskipara kəndinə getmək istəyən jurnalistlər belə saxlanıldı