İspaniya Milli Polisi Malaqa vilayətində Litvada yaşayan Ermənistan vətəndaşını, həmçinin iki Gürcüstan vətəndaşını həbs edib. Modern.az Virtualaz.org-a istinadən xəbər verir ki, onların saxlanılması İspaniyada iyunun sonunda erməni mafiyasına qarşı səs-küylü əməliyyatın davamı hesab edilir. Həmin əməliyyat zamanı 129 nəfər həbs olunmuşdu.
Ötən gün keçirilən əməliyyat zamanı saxlanılan şəxslər mütəşəkkil cinayətdə şübhəli bilinirlər.
Onlardan biri Rusiya mafiyasında üçüncü adam hesab olunur.
Məlumatda həmçinin bildirilir ki, saxlanılan üç nəfər Marbelidə kriminal avtoritetin qətlini planlaşdırıblar.
Axtarış zamanı onların üstündən saxta Polşa və Ukrayna sənədləri çıxıb.
