18 fevral 2019, Bazar ertəsi
Ana Səhifə - MÜSAHİBƏ - Küveytin azərbaycanlı gəlini: “Həyat yoldaşıma, uşaqlarıma Azərbaycanca danışmağı öyrətmişəm” - MÜSAHİBƏ  
Küveytin azərbaycanlı gəlini: “Həyat yoldaşıma, uşaqlarıma Azərbaycanca danışmağı öyrətmişəm” - MÜSAHİBƏ  
07.08.2018, 08:50

Diaspor fəalı Könül Hacızadə: “Nə qədər ermənipərəst ərəbləri erməni sevgisindən daşındıra bilmişik”

 

“Küveyt ərəbləri ilə ailə quran qadınlarımızın 98%-i çox xoşbəxtdir”

 

“Vətənsevər” Azərbaycan-Küveyt Mədəniyyət və Dostluq Cəmiyyətinin sədri Könül Hacızadə Modern.az-a müsahibə verib. Onunla söhbəti təqdim edirik:

 

- Könül xanım, müsahibəyə gələndə kənardan sizi müşahidə edə bildim.  Sanki kişi xarakterli qadınsız?

- Sanki yox. Elə kişi xarakterliyəm.  Bəlkə də o qadınlardanam ki, qorxu instinktim yoxdur. Müntəzəm olaraq idmanla məşğul oluram. Düşünürəm ki, qadın hər bir müdafiəyə hazır olmalıdır. Bir əhvalat danışım sizə: Dünyanın hər yerində olduğu kimi, Küveytə də ermənilər yaşayır. Bir dəfə idmandan çıxıb evə qayıdırdım. Gördüm ki, yolun o biri tərəfində bir maşın dayanıb. Üzərində erməni bayrağı asılıb və erməni dilində “mən Ermənistanı sevirəm” yazılıb. Necə qəzəbləndimsə, öz maşınımı kənara verib saxladım. Dərhal beynimdən “bu işi belə qoymaq olmaz” keçdi. Maşından düşüb gəldim həmin yerə. Erməni maşınının təkərlərini dəmirlə deşdim və maşının üzərini cızıq-cızıq etdim. Həmin anda necə rahat nəfəs aldığımı sözlə ifadə edə bilmirəm. Maşınımı həmin yerdən çox uzaqda saxlamışdım.  Amma kimsə mənə irad bildirmədi. Hətta, kamera da çəkirdi. Səhərisi günü təkərlərini partlatdığım maşını yerində  görmədim.

 

- Azərbaycana tez-tezmi  gəlirsiz?

- Nə vaxt ürəyim istəsə biletimi alıb Azərbaycana gəlirəm. Bura gəlmək üçün hansısa fəsli, ayı gözləmirəm.  Xaraktercə sərbəst insanam. Həyat yoldaşım da mənim xarakterimə uyğunlaşıb. Həyat yoldaşım Küveyt vətəndaşıdır. Qaynanam da mən ora gəlin köçəndən deyir ki “mən türkəm”. Bilmirəm mənə görə deyir, yoxsa necə. Əslində qaynanam lübnanlı türk kökənlidir. Qaynatam isə iranlıdır.  Deyə bilərəm ki, mənim qədər həyat yoldaşım da Azərbaycanı sevir

 

- Körfəz ölkəsinə necə gedib çıxdınız? Fərqli dil və adət-ənənəyə sahib bir ailədə  yaşamağa necə alışdınız?

 - Yoldaşımla burada tanış olmuşuq. Tam təsadüfi olub. Ali təhsilimi də almışam. Tərif kimi çıxmasın, bacarıqlı insanam. Vətənimi, xalqımı sevirəm. Siz görəsiniz həyat yoldaşım Azərbaycan dilində necə səlis danışır. Əgər azərbaycanlıların oturduğu məclisdə bir həmyerlimiz rusca danışırsa, o məclisi dərhal tərk edirəm. Düşünürəm ki, öz dilimizdə danışmalıyıq. Küveytdə bəzi azərbaycanlılar var ki, Azərbaycan  dilində danışmaq istəmirlər. Bizim dilimiz zəngindir, təmizdir, şirindir. 5 dildə təmiz danışıram. İndi neyləyim, mən yabançı dillərdə danışmalıyam?! Bu cür hallar doğru deyil. 

Əlbəttə, fərqli dil və adət-ənənəyə sahib bir ailədə  yaşamağa alışmaq  asan olmadı. Fərqli ölkə, fərqli insanlar... Ailə quranda 25 yaşım vardı. O yaşda insan müəyyən düşüncələrə sahib olur. Hər halda, bir çox məsələləri gözə ala bilmişdim. Amma zamanla çox yaxşı alışdım.

 

- Bəs tanışlığınız necə baş verdi?

 - O Bakıya turist olaraq  gəlmişdi. Təsadüfən tanış olduq və bu tanışlıq sevgiyə çevrildi. Hazırda 5 övladımız var. İki fərqli xalq olsaq da, xoşbəxtik. Böyük övladımızın 15, kiçiyimizin isə 5 yaşı var.

 

- Hazırda Küveytdə nə qədər azərbaycanlı yaşayır?

- 150 nəfərə yaxın olar.

 

- Küveytdə neçə il olar yaşayırsınız?

 - Küveytə gedən ilk azərbaycanlı xanımlardanam.  2002-ci ildə ora getmişdim. Həmin vaxtlarda evimdə tez-tez qonaqlıqlar, tədbirlər keçirirdim. Yerli küveytliləri dəvət edirdim. 5 il bu cür tədbirlər keçirtdim. O zamanlarda Azərbaycan deyəndə küveytlilər ölkəmiz haqqında hər hansı bilgiyə sahib deyildilər. Amma zaman keçdikcə, yerli turizmimiz inkişaf etməyə başladı.

 

- Bir çox ölkələrdə diaspor və səfirliyimiz arasında zaman-zaman uçurum yaşanıb. Eyni hal Küveyt üçün də xarakterikdirmi?

- 2004-cü ildə Küveytdə səfirliyimiz açıldı. Səfirimiz Şahin Abdullayev təyin olundu. Daha sonra isə yeni səfir Tural Rzayev oldu. Tural Rzayev xalq yazıçısı Anarın oğludur. Onun dövründə Küveytdən bir dəvət gəldi ki, burada diapor işini həyata keçirə bilən biri lazımdır. Tural müəllim dedi ki, “kimisə seçməyə ehtiyac yoxdur. Bu işləri aparan bir nəfər var. İşlərinə can yandıran Könül xanımdır”.
Beləliklə, 2010-cu ildə rəsmi olaraq təşkilat açıldı. “Vətənsevər” Azərbaycan-Küveyt Mədəniyyət və Dostluq Cəmiyyətini yaratdıq.


- Dediklərinizdən belə başa düşdüm ki, Küveytdə diaspor və səfirliyimiz  sülh şəraitində paralel olaraq çalışır.

- Əlbəttə. Səfirliyin bizə dəstəyi çoxdur. Demək olar ki, səfirliklə birgə işləyirik. Onlar bizi, biz də onları eşidirik. Tam bərabər şəkildə işlərimizi qurmuşuq. Müəyyən vacib günlərdə kitabları, broşurları, bayraqları səfirlik bizim üçün təşkil edir. Konsulumuz Mirdavud Sultanov ,səfirimiz Elxan Qəhrəman sadə və işini sevən insandır.

 

- Xeyli vaxtdır ki, Azərbaycanda Diaspor Komitəsinin strukturu  yenilənib.  Gözləntiləriniz varmı?

- Azərbaycan Diasporla İş üzrə Dövlət Komitəsinin yeni sədrindən çox şeylər gözləyirik. Simasından da görünür ki, Fuad Muradov  çox nurlu insandır. Biz təşkilat rəhbərləri Fuad müəllimə kömək etməliyik. Həmçinin, ümid edirik ki, komitə rəhbəri olaraq Fuad müəllimin də bizə dəstəyi olacaq.

 

- Küveytdə azərbaycanlılar əsasən hansı problemlərlə üzləşirlər?

- Daha çox azərbaycanlı qadınların ailə problemləri olur. Qanunu bilmirlər. Mən 16 ildir ki, orada yaşayıram. Bilirik ki, ərəb ölkələri Avropa ölkələrindən xeyli fərqlənir. Ərəb adətlərinə uyğunlaşan və  uyğunlaşmayan qadınlarımız var. Kimlər də adətlərə uyğunlaşa bilmir, onları kənara çəkib “ağıllı ol. Övladın var. Ailəni dağıtma” deyirəm. Çünki orada kimsələri yoxdu. “Mən qanunla arxanda duraram. Amma nə vaxta qədər?” deyib məsləhət verirəm.
Söhbət ancaq Küveyt vətəndaşları ilə ailə quran qadınlardan gedir. Çünki azərbaycanlı kişi ilə ailə quran qadınlarımız öz başlarına çarə qıla bilir. Bir söz də deyim. Maşallah olsun ki, orada ailə quran qadınlarımızın 98%-i çox xoşbəxtdir.

 

 - Bu xoşbəxt ailə tablosunda daha çox kimin payı var. Küveytli kişilərin, yoxsa  azərbaycanlı qadınların?

- Səmimi etiraf edəcəm: xoşbəxtliyi küveytli kişilər yaradır. Onlar öz qadınlarına sahib çıxa bilirlər. Xoşbəxtliyin maddi tərəfi də var. Ərəb kişiləri imkanlı olurlar. Hər bir ölkənin iqtisadi qaydaları var. Bizim ölkəmiz də inkişaf etmiş ölkələr sırasındadır. Küveyt isə Azərbaycanla müqayisədə çox varlıdır. Küveytlilər bura gələndə qiymətləri görüb “vau” deyirlər. Onların əmək haqqı ilə götürəndə bizdə ərzaqlar ucuzdur. Bütün bunlara baxmayaraq, vətənimi və xalqımı çox sevirəm. Bu günlərdə prezident İlham Əliyevlə Ermənistanın baş naziri Paşinyan Fransada eyni tədbirdə idilər. Paşinyan adam yerinə belə qoyulmadı. Amma İlham Əliyev necə hörmətlə qarşılandı. Üçrəngli bayrağımız ön cərgədə asılmışdı. Bu cür nüanslar mənim üçün başucalığıdır. Ordumuzun 100 illiyi günündə hərbi paradı televiziyadan izlədik. Mən ölkəmin nələrə qadir olduğunu bilirəm. İnanın, həyat yoldaşımın paradı izləyərkən “halal olsun” deməsi mənim üçün qürurvericiydi.

 

- Son illərdə xanımlarımız türk kişilərlə nikaha girməyə üstünlük verir. Bu da normal qarşılanır. Dil, din, adət-ənənə birliyimiz var. Amma ərəblə, hindistanlı ilə ailə quranda hamımıza qəribə gəlir. Seçimin də qərarın da sizin olmanıza baxmayaraq, ailəniz hansı təpkini verdi?

 - Din qardaşı olduğumuza görə normal qarşılandı. Ailəmiz modern olduğu üçün seçimim ata-anam üçün çox önəmlidir. Onlar hər zaman seçimimə inanıblar. Heç vaxt səhv addım atmamışam. Həmişə inamla qarşılayıblar. Həyat yoldaşımın Azərbaycana olan marağı, sevgisi ailəmin də çox xoşuna gəldi. Yoldaşım Küveytdə tez-tez divan məclisləri keçirir. Həmin məclisə ermənipərəst küveytliləri dəvət edir. Onlara ermənilərin nə qədər murdar millət olduğunu göstərir. Nə qədər ermənipərəst ərəbləri erməni sevgisindən daşındıra bilmişik.

 

- Siz danışdıqca anladım ki, dəyərlərimizi əcnəbi diyarda yaşadırsıınız. Bəs bizim gəlin-qaynana məsələlərimiz orada necədir?

- Qaynanam sağ olsun ki, mənim millətimin tərəfindədir. Ermənilərə nifrət edir. Gəlin-qaynana münasibətlərimiz çox yaxşıdır. Azərbaycanda olan gəlin-qaynana, gəlin-baldız münasibətləri orada yoxdur. Qaynanama ana deyirəm. O biri gəlinlər isə xala deyir. Bu cür məsələlərdə qadınların rolu böyükdür. Öz adıma deyə bilərəm ki, əcnəbi məmləkətdə baş çıxartmaq asan deyil. Amma mən vətənimi çox sevdiyimdən gəlin köçdüyüm ölkədə bir Azərbaycan guşəsi yarada bilmişəm. Evimizdə  Azərbaycan dilində danışırıq. Uşaqlarim da dilimizi təmiz bilir. Hətta qaynanama da təsir edə bilmişəm. Yavaş-yavaş dilimizi öyrənir.  

 

- O biri gəlinlərin yəqin ki, hamısı ərəbdir.

 

- Xeyr. İranlı, tunisli, Səudiyyə ərəbistanlısı da var. Bir gəlin də küveytlidir. Qaynanamın 7 oğlu var. 2 baldızım var ki, onlarla da normal yola gedirik. Ümumiyyətlə, kimsə kimsənin işinə qarşımaz. Bir-birimizin fikirlərinə hörmətlə yanaşırıq. Baldızlarım türk dilində yaxşı danışır. Arada gizli söhbətimiz olanda türkcə danışırıq.

 

- Bəs Küveytdə milli mətbəximizi təbliğ edə bilirsizmi?

- Bizim evdə Azərbaycan yeməkləri bişirilir. Qaynanam ləvəngini daha çox sevir. Onların mətbəxi zəngin deyil. Hindistan mətbəxidir. Ədviyyatdan bol istifadə edirlər. Heç vaxt ərəb yeməklərini bəyənməmişəm. Ətə o qədər ədviyyat vururlar ki, ətin dadını itirirlər. Hər il Küveytə gedəndə 20 banka Bakı yarpağı aparıram.

 

- Azərbaycana gələn ərəblər bizə sözün əsl mənasında şok yaşadırlar. Hər kişinin yanında azı 3 qadın olur. Küveytdə vəziyyət necədir?


- Hələ birini alsınlar, qalsın üçüncünü də almaq. İndi zəmanə dəyişib. Subaylar belə evlənmək istəmirlər. Subay qaynım vardı. Bəlli yaşı vardı. Onu güclə evləndirdik. Gedib tunisli qız tapdı. Azərbaycanlı qız almasını məsləhət görəndə yoldaşım dedi ki, “biri bəsdi”. Dedim “əksinə, özümünkünə daha çox dəstək olaram, qala ki o birilər olsun”. Həyat yoldaşım da “elə ona görə lazım deyil” dedi. Bədəvilər əsasən 2-3 qadın saxlayır. Bu bədəvilər bizim bildiyimiz bədəvi deyil. Onlar familiya ilə tanınır. Biz onlara bədu deyirik. Əsasən 2 arvad alırlar. Bir dəfə idman salonuna getmişdim. Bir qadın “günübacım “deyib danışırdı .Nə cür qəbul etdiyini soruşanda “onun evi ayrı mənim evim ayrı”-dedi. Kişi hər iki qadına ayrıca ev almalıdır. Bu da imkana bağlı olan şeydir.

 

- Maraqlıdır,  ərəb adətləri   həyatınızda tətbiq edilə bilərmi? Həyat yoldaşınız “günübacı” ala bilərmi?

- Lap əvvəldən həyat yoldaşıma demişəm ki, əgər ikinci evliklik istəsən, özüm gedib sənin üçün xanım taparam. Amma bir şərtim var.

 

- Nədir o şərt?

 

- Məni boşamalıdır. O zaman elçiliyə də özüm gedərəm. O da deyir ki, “hələ səninlə qurtarım, qalsın ikincisini almaq”.

 

- İki fərqli insan olaraq dil tapmaqda, yola getməkdə ciddi problemləriniz olmur ki?

 

- Xasiyyətim elədir ki, insanlarla anlaşa bilirəm. Əvvəla kimsənin işinə qarışmıram. Kimsənin də mənim işlərimə müdaxilə etməsini sevmirəm. Ona görə də yola gedə bilirəm. İlk vaxtlarda çətin olub. Qərib ölkə və insanlarına alışmaq asan olmayıb.

 

 - Ərəb adətlərində nə fərqliliklər var? Bir qədər məlumat vermənizi istərdik?


 - Ərəblərdə qədim toy adətləri hələ də qalır. Orada belə bir qanun var. İlk evlənən oğlan yerli qız alırsa, başlıq pulunu, toy xərcini dövlət verir.

 

- Belə anladım ki, Küveytdə yerli qızlardan çox əcnəbilərlə nikaha daxil olmağa üstünlük verilir.

 - Elədir. Mənim əcnəbi gəlin olmağıma baxmayaraq, öz hüquqlarım var. Uşaqlarım mənim üçün hüquqdur.

 

- Tam anlaşılmadı.

- Məsələn, yerli camaat əcnəbiyə baxanda daha üstün əmək haqqı alır. Allah uzaq eləsin. Boşanma mərhələsinə çatanda mənim hüququm yerli küveytli qızının hüququ qədər olur. Ortada olan uşaqlar anaya düşür və anadan onları almaq olmaz. Belə bir hal mövcuddur. Sünni məhkəməsində evlənən qadının hüququ daha üstündür.

 - Son illərdə ərəblərin Azərbaycana sürətli axınına şahidlik edirik. Bir qədər də pinti olduqlarını deyə bilərik. Küveytlilər də o kateqoriyaya daxildirmi?

- Xeyr. Azərbaycana gələn ərəblər,İraq və Səudiyyə Ərəbistanından gələnlərdir. Çox xahiş edirəm, bunları yazın. Artıq bezdim ərəblərlə bağlı suallardan. Həmin o pinti ərəblər ki var,səudiyyəlilərdir. Baxırsan ki, böyük-böyük villalarda, qəsrlərdə yaşayırlar. Əksəriyyəti natəmizdir. İraq ərəblərində isə natəmizlik bir tərəfə dursun, mərifətləri belə yoxdur. Misirlilər isə natəmizlik və mədəniyyətsizlikdə ön cərgədə dayanırlar. Küveyt, Bəhreyn, Qətər kimi ölkələrin xalqları isə çox mədəni insanlardır.

 

- Küveyt körfəz ölkəsidir. İqlimi bizim iqlimdən çox fərqlidir. Demək olar ki, qışı yoxdur. Birdən-birə oranın iqliminə necə alışdınız?

-Bəlkə də inanmayacaqsız. Subay olanda Allaha yalvarırdım ki, məni elə yerə qismət et ki, orada qar olmasın. Qarlı yollarda sürüşüb yıxılan olmuşam deyə, qışı sevmirdim. Allah da səsimi eşitdi. Elə bir ölkəyə gəlin getdim ki, ümumiyyətlə, qış olmur.

 

- Azərbaycana tez-tez gəldiyinizi dediniz. Yoldaşınız da sizinlə gəlirmi?

- Sözsüz. Bir də gördüz deyir ki, gedirəm Azərbaycana. Çantasını bir gün qabaqcadan yığıram və deyirəm ki, “sənə yaxşı yol”.

 

- Küveytlə Azərbaycan arasında hansı sahələrdə daha çox yaxınlıq var?

- Əslində Küveyt-Azərbaycan əlaqələri 1990-cı illərdən başlayıb. 1991-ci ildə İraq Küveyti işğal edən zaman,  daha doğrusu ölkədən çıxhaçıxda bütün Küveytdəki neft quyularına raket bombaları endirdilər. Həmin vaxt Küveyt yanırdı. Gündüzün günorta çağı hər yer qaranlıq idi. Ölkədən çıxan vaxtı səhraya kimyəvi bomba da atdılar. İnsanları hələ də kimyəvi raketin gətirdiyi xəstəlikdən əziyyət çəkir. O, neftin söndürülməsində Azərbaycanın rolu çox böyük oldu. İndi isə küveytlilər Azərbaycanı çox yaxşı tanıyır. Təbii ki, bu işdə səfirliyin və diasporun çox mühüm rolu var. Onlar turist kimi Azərbaycana gəlirlər. Amma Küveyt turistik bölgə deyil. Ticarət əlaqələri də yaxşı qurulub. Azərbaycandan ora bir çox məhsullar ixrac olunur.


Namidə BİNGÖL
Xəbərin müəllifi
xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Türkiyədə mikroavtobus aşdı: 16 yaralı
18.02.2019, 00:43

Türkiyədə mikroavtobus aşdı: 16 yaralı

Moskvada şiddətli şaxtalar olacaq
18.02.2019, 00:27

Moskvada şiddətli şaxtalar olacaq

Göyçayda zəncirvari qəza
18.02.2019, 00:12

Göyçayda zəncirvari qəza

Parisdə “sarı jiletlər” yürüş keçirdi
17.02.2019, 23:47

Parisdə “sarı jiletlər” yürüş keçirdi

Ötən ay 124 Azərbaycan vətəndaşı Gürcüstana buraxılmadı
17.02.2019, 23:32

Ötən ay 124 Azərbaycan vətəndaşı Gürcüstana buraxılmadı

Paytaxtda 180 restoran bağlandı - SƏBƏB
17.02.2019, 23:09

Paytaxtda 180 restoran bağlandı - SƏBƏB

Məktəb direktorunu döyən “Drakon”la birgə bacısı oğlu da ittiham olunur - YENİLƏNİB
17.02.2019, 22:51

Məktəb direktorunu döyən “Drakon”la birgə bacısı oğlu da ittiham olunur - YENİLƏNİB

Müəllimlər də aksiyaya başladı
17.02.2019, 22:26

Müəllimlər də aksiyaya başladı

Saakaşvili erməni olmadığını genetik testlə sübut etdi
17.02.2019, 22:07

Saakaşvili erməni olmadığını genetik testlə sübut etdi

“Qarabağ”  “Qəbələ”dən 3 xal aldı
17.02.2019, 21:32

“Qarabağ”  “Qəbələ”dən 3 xal aldı

Ərdoğanla Putin apreldə yenidən görüşəcək
17.02.2019, 21:14

Ərdoğanla Putin apreldə yenidən görüşəcək

Dövlət İmtahan Mərkəzi buraxılış imtahanı keçirdi
17.02.2019, 20:54

Dövlət İmtahan Mərkəzi buraxılış imtahanı keçirdi

Anamı “cinayət işi” öldürdü
17.02.2019, 20:51

Anamı “cinayət işi” öldürdü

Rüstəm İbrahimbəyov Bakıya gəldi - FOTOLAR
17.02.2019, 20:26

Rüstəm İbrahimbəyov Bakıya gəldi - FOTOLAR

“Neolit”dəki qarşıdurmaya görə tanınmış bloqer saxlanıldı
17.02.2019, 20:16

“Neolit”dəki qarşıdurmaya görə tanınmış bloqer saxlanıldı

İran yeni sualtı gəmi istehsal edib
17.02.2019, 20:01

İran yeni sualtı gəmi istehsal edib

“Qarabağ” və “Səbail” rəqiblərinə qalib gəldi
17.02.2019, 19:32

QarabağSəbail” rəqiblərinə qalib gəldi

Paxıllıq izi qırmızı xətlə silinməlidir
17.02.2019, 18:12

Paxıllıq izi qırmızı xətlə silinməlidir

“Real” öz meydanında məğlub oldu - Fotolar + VİDEO
17.02.2019, 17:54

“Real” öz meydanında məğlub oldu - Fotolar + VİDEO

Avropa Liqasının finalına 100 gün qaldı
17.02.2019, 17:00

Avropa Liqasının finalına 100 gün qaldı

Polis qadınları fahişəliyə cəlb edənləri saxladı - FOTO
17.02.2019, 16:40

Polis qadınları fahişəliyə cəlb edənləri saxladı - FOTO

Tanınmış alimdən ŞOK SÖZLƏR - İnsanlara donuz orqanları köçürülə bilər
17.02.2019, 16:26

Tanınmış alimdən ŞOK SÖZLƏR - İnsanlara donuz orqanları köçürülə bilər

Peşə məktəblərinin şagirdləri üçün buraxılış imtahanları başa çatdı
17.02.2019, 16:10

Peşə məktəblərinin şagirdləri üçün buraxılış imtahanları başa çatdı

NASA Ayda yaşamaq üçün baza tikməyə hazırlaşır - FOTO
17.02.2019, 15:55

NASA Ayda yaşamaq üçün baza tikməyə hazırlaşır - FOTO

Zakir Həsənov beynəlxalq hərbi sərgidə - FOTO
17.02.2019, 15:48

Zakir Həsənov beynəlxalq hərbi sərgidə - FOTO

Evdə köməksiz qalan 2 azyaşlı xilas edildi
17.02.2019, 15:33

Evdə köməksiz qalan 2 azyaşlı xilas edildi

Ramil Usubovdan kadr dəyişikliyi ilə bağlı ƏMR
17.02.2019, 15:19

Ramil Usubovdan kadr dəyişikliyi ilə bağlı ƏMR

Həyatından bezdi - Özünü evi və maşını ilə birlikdə hərraca çıxardı
17.02.2019, 15:00

Həyatından bezdi - Özünü evi və maşını ilə birlikdə hərraca çıxardı

Əmisinin evindən oğurluq edən şəxs saxlanıldı
17.02.2019, 14:41

Əmisinin evindən oğurluq edən şəxs saxlanıldı

Azərbaycan atleti Dünya Kubokunda gümüş medal qazandı
17.02.2019, 14:25

Azərbaycan atleti Dünya Kubokunda gümüş medal qazandı

“Azərbaycanlıları məyus olmamağa çağırıram” - Nazirdən növbəti açıqlama
17.02.2019, 14:12

“Azərbaycanlıları məyus olmamağa çağırıram” - Nazirdən növbəti açıqlama

17.02.2019, 14:00

"Əminəm ki, dostluğumuza heç zaman xələl gəlməyəcək” - Vitse-prezidentdən insidentə MÜNASİBƏT

Polisdən xüsusi əməliyyat: “Lotu Quli”nin adamları tutuldu - VİDEO
17.02.2019, 13:47

Polisdən xüsusi əməliyyat: “Lotu Quli”nin adamları tutuldu - VİDEO

Havalar 3 gün qeyri-sabit keçəcək, qar yağacaq, temperatur 5-7 dərəcə enəcək - XƏBƏRDARLIQ
17.02.2019, 13:32

Havalar 3 gün qeyri-sabit keçəcək, qar yağacaq, temperatur 5-7 dərəcə enəcək - XƏBƏRDARLIQ

Ucqar kənd müəllimi: “Ləzgilər soyuqqanlı xalq olsalar da...”
17.02.2019, 13:03

Ucqar kənd müəllimi: “Ləzgilər soyuqqanlı xalq olsalar da...”

Bir şəklin tarixçəsi - “Yeddi oğul”dan kimlər getdi, kimlər qaldı...   
17.02.2019, 12:47

Bir şəklin tarixçəsi - “Yeddi oğul”dan kimlər getdi, kimlər qaldı...  

Əmanətlərlə bağlı mühüm dəyişiklik
17.02.2019, 12:30

Əmanətlərlə bağlı mühüm dəyişiklik

Zakir Həsənov BƏƏ-nin müdafiə məsələləri naziri ilə görüşdü
17.02.2019, 12:17

Zakir Həsənov BƏƏ-nin müdafiə məsələləri naziri ilə görüşdü

Amerikalı ilə ailə quran azərbaycanlı xanım - şeirlərinə mahnılar yazılıb   
17.02.2019, 12:02

Amerikalı ilə ailə quran azərbaycanlı xanım - şeirlərinə mahnılar yazılıb  

Müğənni Afət Fərmanqızı: “Nəsiminin daha bir qəzəlinə mahnı yazdırmışam”  
17.02.2019, 11:54

Müğənni Afət Fərmanqızı: “Nəsiminin daha bir qəzəlinə mahnı yazdırmışam”  

Hacıqabuldakı ər-arvad intiharı: “Əfsanə ilə Sahib bir-birlərini  elə sevirdilər ki...” - Əmisi DANIŞDI   
17.02.2019, 11:38

Hacıqabuldakı ər-arvad intiharı: “Əfsanə ilə Sahib bir-birlərini  elə sevirdilər ki...” - Əmisi DANIŞDI  

Qobustanda zəncirvari qəza - xəsarət alan var
17.02.2019, 11:20

Qobustanda zəncirvari qəza - xəsarət alan var

Mehriban Əliyevanın adından Gəncənin “İmamzadə” dini kompleksində ehsan verildi - FOTO
17.02.2019, 11:05

Mehriban Əliyevanın adından Gəncənin “İmamzadə” dini kompleksində ehsan verildi - FOTO

Daxmalarda yanğın: 9 nəfər ÖLDÜ
17.02.2019, 10:53

Daxmalarda yanğın: 9 nəfər ÖLDÜ

Gözlər yoldan yığılarmı... - VII YAZI    
17.02.2019, 10:50

Gözlər yoldan yığılarmı... - VII YAZI   

Şahzadə
17.02.2019, 10:44

Şahzadə "Mançester Yunayted"i 4,9 milyard dollara almaq istəyir

“Barselona” “Real”a qalib gəldi   
17.02.2019, 10:33

“Barselona” “Real”a qalib gəldi  

“Məmmədyarovla dəhlizdə salamlaşa bilərik” - Erməni nazir
17.02.2019, 10:20

“Məmmədyarovla dəhlizdə salamlaşa bilərik” - Erməni nazir

Sumqayıtda mağaza yanıb
17.02.2019, 10:07

Sumqayıtda mağaza yanıb

“Qarabağ” - “Qəbələ” oyunu canlı yayımlanacaq
17.02.2019, 09:56

“Qarabağ” - “Qəbələ” oyunu canlı yayımlanacaq

ARXİV