2008-ci ilin 1 mart hadisələri ilə bağlı cinayət işi çərçivəsində Yerevanda Ermənistanın keçmiş baş naziri Ovik Abramyanın qardaşı Henrix Abramyan tutulub. Modern.az Virtualaz.org-a istinadən xəbər verir ki, avqustun 6 və 7-si tarixlərində keçirilmiş axtarışlarda Mçxyan kəndində Ambik Gevorkyanın adına rəsmiləşdirilmiş keçmiş mexaniki-təmir zavodunda silah-surat aşkarlanıb. A.Gevorkyan və Henrix Abramyan qanunsuz silah saxlamaqda ittiham edilirlər.
Tapılan silahların 1 mart 2008-ci il hadisələrində işlənib-işlənməməsi yoxlanılır.
