Pakistanın qərbində Bəlucistan vilayətində kömür mədənlərindən biri uçub.
Modern.az “Geo TV” kanalına istinadən xəbər verir ki, hadisə nəticəsində ilkin məlumatlara görə 7 nəfər həyatını itirib.
Məlumatlara görə hadisə zamanı mədəndə 13 mədənçi olub.
Pakistanın Mədənlər üzrə baş inspektoru İftixar Əhməd 7 nəfərin ölümünü təsdiq edib.
Hazırda qalan 6 nəfərin xilası üzrə axtarışlarının davam etdirildiyi bildirilir.
Qeyd edək ki, hələ ki, mədənin uçma səbəbləri bəlli deyil. Səlahiyyətlilər xilasetmə tədbirləri ilə yanaşı hadisənin baş vermə səbəblərini də araşdırılar.
