Modern.az

Paytaxtın üç rayonunda qaz olmayacaq: XƏBƏRDARLIQ

Paytaxtın üç rayonunda qaz olmayacaq: XƏBƏRDARLIQ

13 Avqust 2018, 20:14

Bakının 3 rayonuna təbii qazın verilişində fasilələr yaranacaq. “Azəriqaz” İstehsalat Birliyindən Modern.az-a verilən məlumata görə, fasilələr paytaxtın Nizami, Xətai və Nərimanov rayonlarının ərazisini əhatə edəcək. Belə ki, yeni çəkilmiş diametri 530 millimetrlik Əzizbəyov dairəsi Modul “30-cu sahə Qaz Paylayıcı Stansiyası” magistral qaz kəmərinin 294 metrlik və 325 millimetrlik, “30-cu sahə-Qazanlar Qaz Paylayıcı Stansiyası” magistral qaz kəmərinin 125 metrlik hissəsinin mövcüd şəbəkəyə birləşdirilməsi ilə əlaqədar avqustun 14-ü saat 10:00-dan təmir işləri tamamlananadək Bakının Nizami, Xətai və Nərimanov rayonlarının bir hissəsində təbii qazın verilişində fasilələr yaranacaq.

 

Görülən zəruri təmir işlərinin Sabunçu rayonunun Bakıxanov qəsəbəsinin bir hissəsinin qaz təchizatına təsir göstərməsi də mümkündür. Aparılan təmir işləri gün ərzində yekunlaşdırılaraq təbii qazın verilişində yaranacaq fasilə aradan qaldırılacaq.

 

“Azəriqaz” İstehsalat Birliyi bütün istehlakçılardan təbii qazdan istifadə zamanı xüsusilə diqqətli olmalarını və texniki təhlükəsizlik qaydalarına riayət edilməsini xahiş edir.

Youtube
Kanalımıza abunə olmağı unutmayın!
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi