Türkiyədə növbəti dəfə silahlı insident olub. Modern.az Türkiyə mediasına istinadən xəbər verir ki, paytaxt Ankarada 17 yaşlı C.B. zərgərlik dükanlarına və valyutadəyişmə məntəqələrinə pnevmatik tüfəngdən atəş açıb. Silahlı hücum nəticəsində biri azyaşlı olmaqla 8 nəfər yaralanıb. Onların vəziyyətinin ağır olduğu bildirilir. İnsanların çoxluq təşkil etdiyi məkanlara atəş açan C.B. hadisə yerindən qaçıb.
Onun bu cinayəti hansı səbəbdən törətməsi məlum deyil. C.B.-nin narkotik aludəçisi olduğu deyilir.