Modern.az

Bakı Almaniya-Azərbaycan biznes forumuna ev sahibliyi edəcək

Bakı Almaniya-Azərbaycan biznes forumuna ev sahibliyi edəcək

15 Avqust 2018, 11:30

Alman-Azərbaycan Xarici Ticarət Palatası ("AHK Azərbaycan") oktyabrın 9-da Bakıda "Azərbaycanda enerji və İKT" mövzusuna həsr olunan Almaniya-Azərbaycan biznes forumunu təşkil edəcək.

 

"AHK Azərbaycan"dan Modern.az-a verilən məlumata görə, Almaniyanın Şərq Komitəsi və Şərqi Avropa İqtisadi Birliyinin dəstəyi ilə keçiriləcək tədbirin əsas məqsədi alman şirkətləri və onların azərbaycanlı tərəfdaşlarının layihə və təkliflərini təqdim etmək, eləcə də işgüzar əməkdaşlıq üçün mövcud imkanları müəyyənləşdirməkdir.

Forumun əsas mövzusunu enerji və İKT sektorlarında islahatlar və tərəfdaşlıq üçün perspektivlər təşkil edir.

 

Forumun açılış mərasimində Azərbaycan hökumətinin yüksək vəzifəli nümayəndələrinin iştirakı gözlənilir.

Forumda iştirak ödənişsizdir. Tədbir ingilis dilində keçiriləcək və Azərbaycan dilinə tərcümə olunacaq.

Youtube
Kanalımıza abunə olmağı unutmayın!
Keçid et
Ukraynadan Rusiyaya ardıcıl zərbələr: Vəziyyət kritikdir