Arxiv
20 Avqust 2018, 10:24 | ƏDƏBİYYAT
“Hamınız bir bezin qırağısınız”- Rəşad Məcid

“Azərbaycan” jurnalının avqust sayında Rəşad Məcidin şeirləri dərc olunub. Müəllifin ad günü ərəfəsində həmin şeirləri oxucularımıza təqdim edirik.

 

Əvvəl

 

Əvvəl qəlbin çırpınacaq

Tora düşmüş quş kimi,

Sonra gözün yol çəkəcək

Gələnin varmış kimi.

 

Sonra havan çatmayacaq

Daralacaq nəfəsin.

Sənə zindan tək gələcək

Yaşadığın qəfəsin.

 

Qəfil yada salacaqsan

Səsdən gələn istini.

Dəli kimi qaçacaqsan

Telefonun üstünə.

 

Tez-tələsik yazacaqsan:

“Planlarım dəyişib...

Bəlkə sabaha keçirək,

Birigünkü görüşü”.

 

Sonra ağıl qalmayacaq

Düşünməyə ardını.

Sonra nağıl başlayacaq

Unudassan adını.

 

Qala - adam

 

Hər adamın sığınmağa

Bir qalası olsun gərək.

Bu qaynaşan pis gözlərdən

Bir xilası olsun gərək.

 

Nicat yoxdu bolca vardan –

Hündür divar, dik hasardan!

Adamı daş adamlardan

Qala - Adam alsın gərək!

 

Bu gələn gözəl əladı

Yeriyən, gəzən qaladı.

Bəlkə də təzə bəladı

Dinsin görək, gəlsin görək!!!

 

Bir səhər

 

Bir payız səhəri, bir payız günü

TV-nin səsinə oyanacaqsan.

Bərk-bərk büründüyün yorğanın altdan

Səs gələn tərəfə boylanacaqsan.

 

Gözün dikiləcək səs yiyəsinə

Yaddaşın keçmişi ələyəcəkdir!

Pırtlaşıq xəyallar içindən biri

Səni işığına bələyəcəkdir!

 

Gözün qamaşacaq, nur bürüyəcək

Beynin durulacaq sakit çay kimi.

Axşamkı məclisin haray-həşiri

Qeybə çəkiləcək – bitən yay kimi.

 

Yerdən duracaqsan sevinc içində

Elə biləcəksən körpə uşaqsan!

Unudub keçmişi təmiz beyinlə

Bu səhər yenidən doğulacaqsan!

 

 

Yuxundakı  qonaq

 

Bilsəydim bu gecə necə yatmısan

Yuxunda kim olub, yatağında kim?

Hansı yaxın idi, şipşirin idi?

Yuxundakı, yoxsa yatağındakı?

 

Yuxundan beyninə, qəlbinə sızıb,

Qanında dolaşan qonaq gözəldi!

İsti nəfəsinlə körüklədiyin

Ruhla sığındığın qucaq gözəldi.

 

Yaxınında olmaq, yanında durmaq

Yatağında girmək hələ şərt deyil,

Sənin sədaqətin, mehrin, ülfətin

İsti nəvazişin məhəbbət deyil.

 

Qəlbinin qapısı yuxundan keçir

Röyandan gələn var – buyur qarşıla!

Sən ki söz vermişdin yüyürəcəksən

Di çıx qabağına yüyür, qarşıla.

 

Yuxun gerçək oldu!

Xəyalındakı

İndi qarşındadı – Qonaq sənindi

Sarıl qollarınla, sığın qoynuna

İstisi əbədi, qucaq sənindi.

 

Gecə zəngi

 

Telefon səssizdə, özüm yuxuda

Gecə zəngin gəlib, eşitməmişəm.

Küsüb incimisən, gileylənmisən

Xəbərsiz olmuşam – kiritməmişəm.

 

İndi ha soruşum səbəbi nəydi,

Məramı necəydi, necə zənginin?

Bilirəm həmişə gizləyəcəksən

Əsil səbəbini gecə zənginin...

 

Gələrəm

 

Bir səhər yuxudan

Sən oyat gələrəm!

Çağırsan o dəqiqə,

O saat gələrəm!

 

Belimdə ağrı var

İkiqat gələrəm!

Önündə dayanıb

Farağat gələrəm!

 

Baxma ki, xəstəyəm

Ya süstəm – gələrəm.

Əmrin var – baş üstə,

Göz üstə - gələrəm.

 

Sözümdə dəqiqəm,

Dürüstəm - gələrəm!

Təki sən arzula

Sən istə gələrəm!

 

Getmək

 

Sakitcə çəkilib getmək zamanıdı

Üsyan etmədən, çığırmadan, söymədən

Barışıb sevginin bitməsiylə

Yox olmaq vaxtıdı.

Duman ağır-ağır çəkildiyitək,

Hava sakitcə qaraldığıtək

İsti havada əl-üzünü yuduğun suyun

Köynəyinə düşən ləkəsi quruduğutək

Sakitcə, xəbərsiz getmək zamanıdı!

 

Üzə çıxacaq...

 

Hirs ki girdi araya

qəzəb ki kükrədi

Bütün pis sözlər, söyüşlər

dildə cimildəşəcək

Onda ilk dəfə corabsız,

dabansız ayaqqabıda

çıxacaqsan qarşıma.

Və üzə çıxacaq bütün

qüsurlar –

ayağındakı, dilindəki,

ürəyindəki...

 

Gedəcəksən

 

Ruhun gedib, özün də

Çəkilib gedəcəksən!

Sis kimi, duman kimi

Seyrəlib itəcəksən.

 

Əzablar güvə kimi

Xoş günləri didəcək.

Qəhər qalacaq, bir də

Sızıltı dolu ürək.

 

Ağrıdan qurtulmağa

Min bir çarə gəzəcəm

Tapmayıb qıvrılacam –

Tab eləyib, dözəcəm.

 

Ağrılarla qol-boyun,

Dərdlə həyat sürəcəm!

Başımı qarışdırıb

Ömrü yola verəcəm!

 

Hamınız

 

Məni anlamağa adam tapılmaz

Məni həzm edəcək mədə də yoxdu!

Məni sinirməyə yepyekə ürək,

Məni yaşatmağa ölkə də yoxdu.

 

Hamınız bir bezin qırağısınız –

Mən ipək axtarıb, qumaş gəzirəm!

Ömrümün qatlanmış varağısınız –

İndi baxıram ki, boşdu Xəzinəm!

BU KATEQORİYADAN OLAN DİGƏR XƏBƏRLƏR
+ Arxiv
Poroşenko siyasətdən getməyəcəyini açıqladı 21 Aprel 2019, 21:57 Vladimir Zelenski xalqa müraciət etdi 21 Aprel 2019, 21:34 Bir sutkada Suriyaya 1066 qaçqın qayıdıb 21 Aprel 2019, 21:19 Ukraynanın yeni  prezidenti  Zelenskidir 21 Aprel 2019, 21:01 Türkiyədə zəlzələ oldu 21 Aprel 2019, 20:45 “Hunday”ın təsisçisinin nəvəsi narkotikə görə tutuldu 21 Aprel 2019, 20:33 Bakıda fəhlə 13-cü mərtəbədən yıxılaraq ölüb 21 Aprel 2019, 20:21 Kamal Kılıçdaroğlu döyülməsindən danışdı: “Şəhidlərin dəfninə getməyimi istəmirlər” 21 Aprel 2019, 20:09 Elməddin Behbud: “Azərbaycan Türk Şurası ölkələri ilə münasibətlərin inkişafı istiqamətində fəaliyyət göstərir” 21 Aprel 2019, 20:08 Yeni rəsm əsəri: Dədə Qorqud və Napoleon bir arada 21 Aprel 2019, 18:29 Kamal Kılıçdaroğlu döyüldü - FOTOLAR 21 Aprel 2019, 18:07 General Bakı Qarnizonu ilə bağlı tapşırıq verdi 21 Aprel 2019, 18:03 Bakıda it 4 yaşlı uşağın üzünü parçaladı - FOTO 21 Aprel 2019, 17:58 AvroLiqanın kuboku Moskvada təqdim olundu 21 Aprel 2019, 17:05 Gürcüstanda aksiya -Polis qazdan və rezin güllədən istfadə etdi 21 Aprel 2019, 16:42 11-ci sinif şagirdləri buraxılış imtahanları veridilər - YENİLƏNİB 21 Aprel 2019, 16:00 Azərbayacn Xarici İşlər Nazirliyindən Şri-Lankada baş verən terrora MÜNASİBƏT 21 Aprel 2019, 15:54 Tovuzda 70 yaşlı kişi bıçaqlandı 21 Aprel 2019, 15:40 Dövlət qulluqçusu olmaq istəyənlər imtahan verdi   21 Aprel 2019, 15:10 Şri-Lankada terror aktlarının sayı 8-ə çatdı 21 Aprel 2019, 14:29 Sabahın HAVASI: Yağışlı, küləkli olacaq 21 Aprel 2019, 13:39 10 min dollardan çox kredit borcu olanlara da güzəşt ediləcək   21 Aprel 2019, 13:30 Avtobus  qəzasında xəsarət alanlar evə buraxıldı - YENİLƏNİB 21 Aprel 2019, 13:22 Fransanın Nant şəhərində Azərbaycan məktəbi açıldı   21 Aprel 2019, 12:29 Gömrükdən malların və avtomobillərin keçirilməsi qaydasında DƏYİŞİKLİK 21 Aprel 2019, 12:01 Kürdəmirdə YANĞIN:  5 nəfər yaralandı 21 Aprel 2019, 11:58 Şri-Lankada 6 partlayış: 160 ölü, 500-dən çox yaralı - FOTOLAR- YENİLƏNİB 21 Aprel 2019, 11:28 Kürdə suyun səviyyəsi artdı 21 Aprel 2019, 11:19 Meriya Bəhram Bağırzadə və Tahir İmanova yer bəyəndirə bilmir 21 Aprel 2019, 10:49 Ukraynada prezident seçkilərinin II turu keçirilir 21 Aprel 2019, 10:26