Rusiyanın “Rosoboronoeksport” dövlət şirkətinin rəhbəri Aleksandr Mixiyev Türkiyə ilə müqavilənin vaxtında icra olunacağını bildirib.
Modern.az “Ria Novosti” agentliyinə istinadən xəbər verir ki, o, S-400 komplekslərinin Türkiyəyə 2019-cu ildə təhvilinə başlanılacağını qeyd edib.
“Türkiyəyə S-400-lər müqaviləyə uyğun olaraq vaxtında çatdırılacaq. 2019-cu ildə biz müqaviləni yerinə yetirməyə başlayacağıq” – Mixeyev söyləyib.
Xatırladaq ki, dolların qalxması fonunda müqavilədə göstərilən məbləğin yarısının nağd, qalanının isə Rusiyanın ayırdığı kredit əsasında rublla ödəniləcəyi bildirilib.
Həmçinin bundan əlavə Türkiyə prezidenti Rəcəb Tayyib Ərdoğan S-400-lərin anbarlarda saxlanılmayacağını və istifadə ediləcəyini qeyd edib.