Azərbaycanlı qanuni oğru “Lotu Quli” ləqəbli Nadir Səlifov həbs olunub. Modern.az yerli mediaya istinadən xəbər verir ki, kriminal avtoritet Çernoqoriyada saxlanılıb.
Yenicag.az-ın əldə etdiyi məlumata görə, Lotu Quli paytaxt Podqoritsada “İnterpol” tərəfindən saxlanılıb.
Qeyd edək ki, Nadir Səlifov azadlığa ötən il çıxmışdı.
***
Hazırda Türkiyədə olduğu bildirilən kriminal avtoritet virtualaz.org-a açıqlamasında həbsi barədə məlumatı təkzib edib:
“Bu məlumat həqiqəti əks etdirmir. KİV-in mənim barəmdə yaydığı növbəti yalandır”.