Dünən İsveçdə baş tutan parlament seçkilərində Aylin Fazelian Sosial-demokrat partiyasından, bacısı 34 yaşlı Ayda Kərimli isə Mərkəz partiyasından İsveç parlamentinə əyalət millət vəkili seçiliblər.
Bu barədə məlumatı Modern.az-a diaspor üzrə araşdırmaçı-jurnaslist Elnur Eltürk verib.
26 yaşlı siyasətçi Aylin 14 yaşından Sosial-demokrat partiyasının fəalıdır. 22 yaşında əyalət parlamentinin üzvü seçilib. 4 il ərzində partiyanın Qadınlar Təşkilatının idarə heyətinin ən gənc üzvü olub. Partiyada qadınlar üzrə beynəlxalq təmsilçidir. Aylin Fazelian 11 bələdiyyə tərəfindən seçki vərəqəsində ikinci namizəd olub.