Azərbaycan Dövlət İqtisad Universitetinə (UNEC) yeni mətbuat katibi təyin olunub.
Modern.az saytı xəbər verir ki, UNEC-in İctimaiyyətlə Əlaqələr şöbəsinin müdiri vəzifəsi jurnalist Cavid Xəlilova tapşırılıb.
C.Xəlilov bu yaxınlaradək Səhiyyə Nazirliyində mətbuat xidmətində işləyib.
Daha əvvəllər isə "Exo" qəzetinin müxbiri olub.
C.Xəlilov Modern.az-a UNEC-dəki işinə bu gündən başladığını deyib: “İnanıram ki, çətin olmayacaq və jurnalistlərlə qarşılıqlı anlaşma şəraitində çalışacağıq".
Qeyd edək ki, UNEC-in İctimaiyyətlə Əlaqələr şöbəsinin sabiq rəhbəri Vüsalə Məmmədova bir müddət öncə vəzifəsindən könüllü getmişdi.
