Arxiv
12 Sentyabr 2018, 14:50 | TƏHSİL
Ən yaxşı 5 universitetin rektoru mükafatlandırıldı - FOTOLAR  

AzEdu.az kollektivi portalda keçirilən Azərbaycanda ən yaxşı təhsil verən universitet hansıdır?” sorğusunun qaliblərini mükafatlandırmaq üçün, beş qalib ali məktəbdə rektorlar və prorektorla görüşüb.

AzEdu.az təhsil portalının məqsədi hər insanı daim izləyən təhsil, elm, maarif  anlayışının bir cəmiyyət daxilində daha da inkişaf etdirilməsi, bu sahədə problem və perspektivlərin üzə çıxarılmasıdır. 

Portal  jurnalistikanın etik və şəffaflıq prinsiplərinə əsaslanaraq, keyfiyyətli informasiya təqdim etmək və Azərbaycan təhsil arenasında ən etibarlı mənbə, bütün sualların cavablarının toplandığı baza olmağı hədəfləyib.

Bu missiya və məqsədimizin həyata keçməsindən ötrü AzEdu.az inkişafa istiqamətlənmiş layihələrini davam etdirir.

AzEdu.az-ın “Azərbaycanda ən yaxşı təhsil verən universitet hansıdır?” sorğusu yekunlaşıb. Bildirək ki, sorğu 15  universitet arasında 6-30 iyul tarixlərində davam edib.

Xatırladaq ki, nəticələrə əsasən, 16.000 nəfərin iştirak etdiyi sorğuda ilk beşlikdə ADA Universiteti, UNEC, Bakı Dövlət Universiteti, Bakı Ali Neft Məktəbi  və Azərbaycan Dövlət  Pedaqoji Universiteti qərarlaşıb. 

AzEdu.az bu məqsədlə qalib gələn 5 universitetin rektor və rəhbər şəxsləri  ilə görüşərək, təltifnamə və rəmzi hədiyyələrini onlara təqdim edib.  

4 rektor və 1 prorektor AzEdu.az təhsil portalının keçirdiyi bu sorğunun vacibliliyindən, təhsilə olan sosial marağın nə dərəcədə ciddi faktor olmasından danışıblar.

Bakı Dövlət Universitetinin rektoru, akademik  Abel Məhərrəmov media və təhsil tandeminə toxunaraq, bu cür layihələri daha çox  keçirməyi tövsiyə edib:

“Məsələn, Tibb Universiteti və ya Texniki Universitet bir  istiqamət üzrə kadr hazırlayırlar. Bakı Dövlət Universitetində isə 23 min tələbədən təxminən, 11 min nəfəri təbiət elmləri, 12 min nəfəri isə humanitar elmlər üzrə təhsil alır. Humanitar sahə özü isə çox rəngarəngdir. Bunun jurnalistləri, sosioloqları, hüquqşünasları və s var. Lakin bunların arasında jurnalistika cəmiyyət üçün çox vacibdir. Buna görə, bu cür layihələrin təşkilini genişləndirmək və aktivləşdirmək lazımdır”. 

Azərbaycan İqtisad Universitetinin rektoru Ədalət Muradov AzEdu.az saytına təhsilin inkişafına yönəlmiş addımlar attığına görə öz təşəkkürünü bildirib:

“İnanıram ki, Azərbaycan Dövlət İqtisad Universitetinin potensialı imkan verir ki, bu universitet dünya təhsil məkanında rəqabət apara bilsin. Bizdən asılı olan çox az şey var ki, o potensiala uyğun tədbirlər keçirək və hər bir şəxsin – müəllim və tələbə heyətinin - öz potensialını ortaya qoymasına şərait yaradaq. Əminəm ki, Cənab Prezident İlham Əliyevin bizim qarşımıza qoyduğu əsas vəzifəni - İqtisad Universiteti dünya səviyyəli universitetlər sırasına çıxmalıdır -  icra edə biləcəyik. Biz bunun yolunu bilirik və hesab edirik ki, seçdiyimiz yolla buna nail olacağıq”.  

ADA universitetinin prorektoru Fariz İsmayılzadə də öz növbəsində obyektiv sorğuya görə təşkilatçılara  təşəkkürünü bildirib:

"Hesab edirəm ki, təhsil sahəsindəki müəyyən boşluqları doldurmaq üçün belə layihələrə ciddi ehtiyac var”.

Bakı Ali Neft Məktəbinin rektoru Elmar Qasımov  sorğuda ilk beşlikdə yer almalarının sevindirici hal olduğunu vurğulayaraq, portal kollektivi və təşkilatçılara öz təşəkkürünü bildirib:

“Əslində, BANM – ın tələbə kontigenti digər böyük universitetlərə nisbətdə çox azdır. Buna görə, sorğuda BDU və bunun kimi tələbə-müəllim heyəti çox olan digər universitetlərlə rəqabət aparmaq bizim üçün böyük uğurdur”.

Azərbaycan Dövlət Pedaqoji Universitetinin rektoru Cəfər Cəfərovbildirib ki, sorğuda qalib gəlmək universitet üçün builki nəticələrə görə, növbəti sevindirici xəbərdir:

“Bu il qəbul imtahanlarının nəticələri də bizi çox sevindirdi. Ümumiyyətlə, universitet tarixində yüksək ballı uşaqların ADPU-nu seçməsi çox az hallarda baş verərdi. Bu il isə 500 nəfərdən çox 500-600 bal arası toplayan abituriyentlər bizim universiteti seçiblər. Hətta müalicə-profilaktika ixtisasını seçmək imkanı olan bir sıra tələbənin də seçimi bizdən - kimya-biologiya müəllimliyindən yana olub. Yəni, burada universitetlərin müqayisəsindən söhbət getmir, bu, həm də şüurlu şəkildə müəllim peşəsinə olan marağın artması, cəmiyyətin intibahıdır.  İndi isə sorğuda iştirak edərək qaliblər arasında yer almaq, belə demək mümkünsə, kollektivin gecə-gündüz çalışmasının nəticəsidir. Bu, o deməkdir ki, bizim əziyyətimiz boşa getməyib”.

BU KATEQORİYADAN OLAN DİGƏR XƏBƏRLƏR
+ Arxiv
Kamal Kılıçdaroğlu döyüldü - FOTOLAR 21 Aprel 2019, 18:07 General Bakı Qarnizonu ilə bağlı tapşırıq verdi 21 Aprel 2019, 18:03 Bakıda it 4 yaşlı uşağın üzünü parçaladı - FOTO 21 Aprel 2019, 17:58 AvroLiqanın kuboku Moskvada təqdim olundu 21 Aprel 2019, 17:05 Gürcüstanda aksiya -Polis qazdan və rezin güllədən istfadə etdi 21 Aprel 2019, 16:42 11-ci sinif şagirdləri buraxılış imtahanları veridilər - YENİLƏNİB 21 Aprel 2019, 16:00 Azərbayacn Xarici İşlər Nazirliyindən Şri-Lankada baş verən terrora MÜNASİBƏT 21 Aprel 2019, 15:54 Tovzda 70 yaşlı kişi bıçaqlandı 21 Aprel 2019, 15:40 Dövlət qulluqçusu olmaq istəyənlər imtahan verdi   21 Aprel 2019, 15:10 Şri-Lankada terror aktlarının sayı 8-ə çatdı 21 Aprel 2019, 14:29 Sabahın HAVASI: Yağışlı, küləkli olacaq 21 Aprel 2019, 13:39 10 min dollardan çox kredit borcu olanlara da güzəşt ediləcək   21 Aprel 2019, 13:30 Avtobus  qəzasında xəsarət alanlar evə buraxıldı - YENİLƏNİB 21 Aprel 2019, 13:22 Fransanın Nant şəhərində Azərbaycan məktəbi açıldı   21 Aprel 2019, 12:29 Gömrükdən malların və avtomobillərin keçirilməsi qaydasında DƏYİŞİKLİK 21 Aprel 2019, 12:01 Kürdəmirdə YANĞIN:  5 nəfər yaralandı 21 Aprel 2019, 11:58 Şri-Lankada 6 partlayış: 160 ölü, 500-dən çox yaralı - FOTOLAR- YENİLƏNİB 21 Aprel 2019, 11:28 Kürdə suyun səviyyəsi artdı 21 Aprel 2019, 11:19 Meriya Bəhram Bağırzadə və Tahir İmanova yer bəyəndirə bilmir 21 Aprel 2019, 10:49 Ukraynada prezident seçkilərinin II turu keçirilir 21 Aprel 2019, 10:26 Doğum və ölüm günü bir yerdə qeyd olunan aktrisa - Məşhur cütlüyün ailə FACİƏSİ - FOTOLAR 21 Aprel 2019, 09:49 Ermənilər cəbhədə təxribatlara davam edir 21 Aprel 2019, 09:44 Rektor gənclərə daha 10 tövsiyə verdi: “Hər işi öz zamanında görün” 21 Aprel 2019, 09:26 Tanrı pıçıltısını sözə çevirə bilən xanım 21 Aprel 2019, 09:11 Bakıda mənzildən qadın meyiti tapıldı 21 Aprel 2019, 00:54 Bakıda 17 yaşlı gənc bıçaqlandı 21 Aprel 2019, 00:39 Sükut günündə 250 pozuntu 21 Aprel 2019, 00:23 Elinanın ölümündə  suçlanan icra başçısının müavini: "Videonu mən çəkmişəm" - AÇIQLAMA  21 Aprel 2019, 00:08 Sumqayıtdakı davada 2 nəfər xəsarət alıb 20 Aprel 2019, 23:38 “Akif Çovdarova 3 milyon manat verə biləcəyimi söylədim” - Tağı Əhmədov 20 Aprel 2019, 23:37