Bakıda naməlum şəxslər 81 yaşlı qadını evində qarət edib. Modern.az “Trend”ə istinadən xəbər verir ki, hadisə paytaxtın Xətai rayonu, Sovxoz küçəsi, ev 12, mənzil 1 ünvanında baş verib.
Həmin mənzildə yaşayan 1937-ci il təvəllüdlü Nağıyeva Xədicə Bəhlul qızı evində tək olduğu zaman 2 nəfər naməlum şəxs evə basqın edib.
Həmin şəxslər qadını hədələyərək onun barmağındakı brilyant qaşlı üzüyü çıxarıb qaçıblar.
Faktla bağlı Xətai rayon Polis İdarəsində Cinayət Məcəlləsinin 180.2.1-ci (Soyğunçuluq, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi başlanıb.
