Modern.az

Parisdəki Azərbaycan məktəbində dərslər başlayıb

Parisdəki Azərbaycan məktəbində dərslər başlayıb

15 Sentyabr 2018, 00:29

Paris şəhərində uşaqlar Azərbaycan məktəbində yeni tədris ilinə başlayıblar. Modern.az "Report"a istinadən xəbər verir ki, Fransadakı Azərbaycan səfirliyinin dəstəyi, Paris Azərbaycan Evinin təşkilatçılığı ilə fəaliyyət göstərən məktəbdə Paris və ətraf ərazilərdə yaşayan 5-12 yaşlı uşaqlar təhsil alırlar.

 

Şagirdlərə Azərbaycan dili ilə yanaşı, tariximiz, coğrafiyamız, ədəbiyyatımız tədris edilir, zəngin milli irsimiz aşılanır, tarixi qəhrəmanlarımız, şəhidlərimiz, dünya ədəbi irsində öz dəst-xətti olan mütəfəkkirlərimiz haqqında məlumat verilir.

 

Yeni tədris ilinin birinci günü şagirdlərə dərsliklər paylanılıb, yeni tədris ilinin proqramı açıqlanıb. Ötən illərdəki kimi builki tədris proqramında da milli bayram şənlikləri, Azərbaycan musiqisinə həsr olunmuş proqramlar, teatr səhnəciklərinin təşkili yer alıb.

Instagram
Gündəmdən xəbəriniz olsun!
Keçid et
Ukraynadan Rusiyaya ardıcıl zərbələr: Vəziyyət kritikdir