Meksika müflis vəziyyətə düşüb. Modern.az “RİA Novosti”yə istinadən xəbər verir ki, belə bir açıqlama ilə Meksikanın yeni prezidenti Andes Manuel Lopes Obrador çıxış edib.
O, bu səbəbdən əhalinin bütün tələblərinin yerinə yetirməyin mümkün olmayacağını vurğulayıb.
Ancaq bununla belə, Meksikanın yeni prezidenti seçki kampaniyası zamanı verdikləri bütün vədlərə əməl edəcəklərini söyləyib.
Qeyd edək ki, A.Obrador seçki kampaniyası çərçivəsində təqaüdləri və gənclərə sosial yardımları artırmaq, elektrik enerjisi və benzinin qiymətlərini hazırkı səviyyədə saxlamaq, idarəetmə aparatının isə məsrəflərini ixtisar etmək vədləri vermişdi.
