ABŞ-da qasırğa qurbanlarının sayı artıb. Modern.az xarici mediaya istinadən xəbər verir ki, ölkənin Şimali və Cənubi Karolina ştatlarında baş vermiş "Florens" qasırğası nəticəsində ölənlərin sayı 37 nəfərə çatıb.
Bundan əvvəl təbii fəlakət nəticəsində ikisi körpə olmaqla 32 nəfərin həyatını itirdiyi məlum idi.
"Florens" qasırğası Atlantik okeanının ABŞ sahillərinə cümə günü çatıb və dərhal zəifləməyə başlayıb. Hazırda onun statusu fırtına dərəcəsinədək düşüb.
