Kollektiv Təhlükəsizlik Müqaviləsi Təşkilatının (KTMT) baş qərargah rəisi Anatoli Sidorov Ermənistan-Azərbaycan münaqişəsinə toxunub.
Modern.az Rusiya KİV-nə istinadən xəbər verir ki, Sidorov Ermənistanın müraciət etmədiyi üçün KTMT-nin hadisələrə müdaxilə etmədiyini bəyan edib.
Burada söhbət Azərbaycan-Ermənistan sərhədində yaranmış gərginlikdən gedir.
“Ermənistan tərəfindən heç bir müraciət olmayıb. Buna görə də bu məsələ ilə bağlı KTMT-nin hərbi gücü tətbiq edilə bilməz. Ümid edirik ki, tərəflər bu məsələni sülh yolu ilə həll edəcəklər” – Sidorov bildirib.
KTMT-nin mətbuat katibi Vladimir Zeynəddinov da hadisəyə münasibət bildirərək Ermənistanın KTMT-yə yox BMT-yə müraciət etdiyini vurğulayıb.
“Hesab edirəm ki, bununla məsələ həll olunub” – Zeynəddinov qeyd edib.