Modern.az

Azərbaycanda bütün rəsmi saytlar dayandı və... - YENİLƏNİB

Azərbaycanda bütün rəsmi saytlar dayandı və... - YENİLƏNİB

Aktual

25 Sentyabr 2018, 15:58

Modern.az saytı  yaranan problemlə bağlı Nəqliyyat, Rabitə və Yüksək Texnologiyalar Nazirliyi ilə əlaqə saxlayıb. Nazirlikdən bildirilib ki, bu məsələyə onlar nəzarət etmir.

“Delta Telecom”un daxili xidmət rəhbəri  Anar Gülməmmədov  isə saytımıza bu cür münasibət bildirib:

“Nazirliklərin rəsmi saytına daxil ola bilməmək “Delta Telecom”un problemi deyil. Çünki dövlət saytlarının “Delta Telecom”a aiddiyatı yoxdur. Əgər ümumi internetlə maraqlanırsızsa, heç bir problem yoxdur. Bunu Nəqliyyat, Rabitə və Yüksək Texnologiyalar Nazirliyindən soruşun”.

Qeyd edək ki, artıq problem aradan qalxıb və rəsmi saytlara giriş bərpa olunub.

 

***

 

Bu dəqiqələrdə Azərbaycanda dövlət qurumların saytlarının işində ciddi problem yaranıb.

Modern.az saytı xəbər verir ki, hazırda heç bir rəsmi qurumun saytını açmaq mükün deyil. Hətta rəsmi informasiya agentliklərinin saytları belə açılmır.

Əməkdaşımız Nəqliyyat, Rabitə və İnformasiya Texnologiyaları Nazirliyindən problemin səbəblərini öyrənməyə çalışır. Nazirlikdən deyiblər ki, problemdən xəbərdardırlar və bununla bağlı açıqlama olacaq...

Whatsapp
Bizə yazın!
Keçid et
Bakıdan Ermənistana xəbərdarlıq: Kəndləri boşaldın,ya da...