Türkiyədə Səudiyyə Ərəbistanı konsulluğu binasına girdikdən sonra əlaqəyə çıxmayan “The Washington Post”un müxbiri Camal Haşkacinin yeri məlum olub.
Modern.az xəbər verir ki, “Reuters” agentliyi Türkiyə hakimiyyətinin adı çəkilməyən mənbələrinə istinadən Haşkacinin hələ də konsulluq ərazisində olduğunu öyrənib.
Onun təxminən 1 sutkaya yaxın əlaqəyə çıxmadığı bildirilir.
Qeyd edək ki, Səudiyyə Ərəbistanı əsilli Camal Haşkaci dünən günorta saatlarında nişanlısı ilə bu ölkənin İstanbulda yerləşən konsulluğuna sənəd üçün yaxınlaşıb və daha əlaqəyə çıxmayıb.
Nişanlısı konsulluğun binasına buraxılmayıb və 5 saat sonra ona Haşkacinin artıq binanı tərk etdiyi bildirilib.