17 fevral 2019, Bazar
Ana Səhifə - ƏDƏBİYYAT - Özündən sonrakı doğum günü... Xəyyam Mirzəzadə ilə tanışlığın maraqlı TARİXÇƏSİ
Özündən sonrakı doğum günü... Xəyyam Mirzəzadə ilə tanışlığın maraqlı TARİXÇƏSİ
05.10.2018, 08:24

5 oktyabr tarixi görkəmli bəstəkar, xalq artisti Xəyyam Mirzəzadənin doğum günüdür. Düz 25 il ərzində həmin gündə səhər tezdən oyanıb, telefonla Xəyyam müəllimi birinci təbrik etməyə çalışırdım. Etiraf edim ki, bu gün onun həyatından bəhs edən ikinci məqaləmi yazıram, birincidə onu tanıdım, ikincidə itirdim...

...Mən onu uşaqlığımdan tanıyırdım , varlığımdan xəbərsiz olduğu illərdə... və bu tanışlığın maraqlı tarixçəsi var idi.  Xəyyam Mirzəzadənin adını yaddaşıma həkk eləmişdim, o zaman  6-cı sinifdə oxuyurdum.  Sovet dövründə  yaşayış məhəllələrinin yay və qış kinoklubları olardı, ittifaq miqyasında çəkilən yeni filmlərlə bahəm, digər ölkələrin filmləri də orada nümayiş etdirilərdi. Atam ailəlikcə bizi o filmlərə baxmağa aparardı. “7 oğul istərəm” bədii filminə də ilk dəfə məhəllə kinoklubunda baxmışdım. Yadımdadır, bacımla mən filmin bütün səhnələrindən təsirlənmişdik, film boyu səslənən musiqi isə bizi daxilən həyəcanlandırmışdı. Filmin sonunda bəstəkarın adını oxuduq: Xəyyam Mirzəzadə. Bax, o zamandan ikimiz də bəstəkarın adını- “Xəyyam Mirzəzadə”ni beynimizə və ürəyimizə yazmışdıq. Uzun illər sonra tale bizi qovuşdurdu, Xəyyam müəllimlə yaxından tanış olduq. Mən jurnalist idim, respublikanın müstəqillik illərində çıxan populyar qəzetlərdən birində çalışırdım.  Bacım isə klassik musiqinin yolunu seçdi, vokalçı oldu.  Sonralar o, respublikanın klassik musiqi aləmində  Zenfira İsmayılova  kimi tanındı.  Ötən əsrin 90-cı illərində Xəyyam Mirzəzadədən  ilk müsahibəmi almışdım, qəzetdə həmin yazıya xeyli yer ayrılmışdı və onun düşüncələri oxucuların marağına səbəb olmuşdu.

Biz konservatoriyada Xəyyam Mirzəzadə ilə tez-tez görüşürdük. Tələbələrinin əhatəsində apardığı dərslərdə hərdən  mən də iştirak edərdim, hətta o  tələbəlrlə də  aramızda dostluq münasibətləri yaranırdı. Konservatoriyanın divarları arasında Xəyyam Mirzəzadə sevilən şəxsiyyətlərdən idi, onun bütün ömrü bu ali ocağa bağlı olmuşdu, həmişə çevrəsində görkəmli musiqiçiləri görərdim, onun baməzə söhbətləri hamının üzündə xoş təbəssüm yaradırdı...  

İçərişəhərin dal dalanlarındakı evlərdən birində 82 il əvvəl, Mirzəzadələrin ocağında balaca oğlan dünyaya göz açanda, İranda yaşayan babası İsmayıl kişi oğlu Hadiyə xəbər göndərmişdi ki, nəvəsinin adını Xəyyam qoysun. Sonralar şərqin böyük şairi Ömər Xəyyamın şərəfinə qoyulan adı doğrultmaq üçün dövrünün görkəmli dilçi alimi Hadi Mirzəzadə  oğlu Xəyyamı ədiblərin, yazarların görüşünə aparırdı ki, onu ədəbiyyatçı kimi yetişdirsin. Amma  oğlunun ağlı kəsəndə  tamam başqa bir yola üz tutdu, bəstəkar oldu...  O dövrdə ziyalılar övladlarına musiqi təhsili verməyi özlərinə şərəf sayırdılar, Hadi müəllim də balaca oğlunu Bülbül adına orta ixtisas musiqi məktəbində, skripka sinfinə  qoymuşdu. Amma sonralar  konservatoriyanın bəstəkarlıq fakültəsində  oxuyanda atası onunla qürur duymuşdu, hətta  görkəmli bəstəkar Qara Qarayevdən xahiş etmişdi ki, Xəyyamı tələbələrinin sırasına qəbul etsin, Hadi müəllimin arzusu yerinə yetmişdi. Qara Qarayev nəinki ona bəstəkarlığın sirlərini aşıladı, Xəyyam Mirzəzadənin yazdığı simfoniyaların Moskvada səslənməsinə imkan yaratdı, hətta  ilk dəfə çalınan əsərlərinə edilən hücumların qarşısını aldı, üstəlik ittifaq miqyasında adının tanınmasına nail oldu. Dövrün tələbi belə idi, istedadlı gənclərin arxasında güvənli məşhurların dayanması mütləq idi... Tutduğu yol cavan bəstəkarı zirvəyə doğru aparırdı, müəlliminin təkidi ilə kinofilmlərə yazdığı musiqi əsərləri böyük maraqla qarşılanırdı və hələ o dövrdə onun bu sahədəki xidmətləri xüsusilə vurğulanırdı. Təəsüf ki, Hadi müəllim oğlunun sonrakı uğurlarına sevinə bilmədi, ömrü vəfa etmədi. Tələbələrinə “gün ağlayan” Qara Qarayevin də ömrü uzun olmadı, amma Xəyyam Mirzəzadə sevimli müəllimini həyatı boyu unutmadı, Qarayev məktəbinin ənənələrini yaşatmağa çalışdı və ömrünün sonuna kimi onun təbliğatçılarından  biri oldu.

Artıq musiqi aləmində Xəyyam Mirzəzadənin yolu  bəlli idi, o, ruhunun qulu idi, kim olduğunu dərk edirdi və daxilindəki gücə inanırdı, nəticədə sanballı əsərlərini ərsəyə gətirirdi. Milli dəyərlərə bağlılığı yazdığı musiqinin çalarlarında sezilirdi. Eyni zamanda  müasirliyi əsərlərinə yansıtmağı bacarırdı,  çünki Xəyyam müəllim  həyatın nəbzini tuta bilir, harmoniyasını duyurdu, ona görə  əsərləri dünyanın dörd bir yanında sevgi ilə çalınırdı.

Xəyyam Mirzəzadə etiraf edirdi ki, ilk variasiyalarını uşaq vaxtı, kiçik skripkasını sinəsinə sıxanda yazıb. Məktəb illərindəki cızma-qaraları sonralar rəngarəng musiqi əsərlərinə çevrilib, ötən əsrin 50-ci illərindən başlayaraq böyük konsert salonlarında,  məşhur orketraların ifasında səslənib. 1 , 2  və 3 saylı simfoniyaları, “Oçerklər-63” simfonik poeması, “Ağlar və Qaralar” baleti, “Triptix”, “Mirzənin söylədikləri”,  ”Etiraf”  vokal məcmuəsi, “ Mərakeş” rapsodiyası, simli kvartet, fortepiano, arfa, solo skripka, solo klarnet, ağac və mis nəfəs alətləri üçün yazdığı əsərləri və digər musiqi nümunələri hələ sağlığında ona şöhrət gətirib. O, milli ruha və dəyərlərə bağlı insan olub, bəlkə də ona görə nota köçürdüyü əsərləri müasir dünyanın nəbzini tutub. Xəyyam Mirzəzadənin yaradıcılıq yolunun bir səmti kino sahəsinə uzanıb, o, 30-dan artıq filmə musiqi yazıb.  Bəstəkarın kinofilmlərə yazdığı musiqinin hər biri  simfonik əsərə bərabər tutulub. Keçən yüzillikdən  bu əsrə süzülüb gələn Xəyyam Mirzəzadə yaradıcılığı zaman və məkan ölçüsünü kölgədə qoyub. Onun əməyinə dövlətimiz böyük qiymət verib, Xəyyam müəllim layiq olduğu titulları sağlığında alıb, ömrünün son günlərinə qədər ölkə rəhbərliyi ona humanist qayğısını əsirgəməyib. O da bütün varlığı ilə vətəninə bağlılığını biruzə verib, Azərbaycan klassik musiqisini dünyada yetərincə təbliq edib.

Həyatda elə bir mövzu yox idi ki, Xəyyam müəllim ondan baş açmasın, ya da ona biganə qalsın. Dəyər verdiyi sahələrdən biri incəsənət idi, evinin hər köşəsində tanınmış rəssamların, heykəltəraşların əsərləri yer alırdı. Onun yaddaşında hər əsərin bir tarixi asılıb qalmışdı və müəlliflərdən ağızdolusu danışmağı sevirdi. Maraqlı xatirələri gənclik illərindən başlayırdı, ona bağışlanan rəsm əsərləri və heykəltəraşlıq nümunələri bir muzeyə sığacaq qədər yetərli idi, əslində bu əsərlər Xəyyam müəllimin ruhunun zənginliyindən xəbər verirdi. Onun mənəvi aləminə rəng qatan digər əntiq əşyalar, saatlar, markalar, gümüşdən hazırlanan məmulatlar, hətta kasalar göz oxşayırdı və bu əşyalar təkcə ocağına yaraşıq gətirmirdi, evinə qonaq gələnlərin də ruhunu oxşayırdı. Mən də bu evin tez-tez qonağı olurdum, Xəyyam müəllimlə bölüşməyə çox söhbətim var idi, bəzən çevrəmiz böyüyürdü, tanınmış sənət adamları da bizə qatılırdı. İndi o günləri xatırlayıram, Xəyyam müəllimin mənə əziz olan çöhrəsi yaddaşımdan silinmir.  Onun gözləri zəifləmişdi, ayaqları yerimirdi, demək olar ki, oturaq həyata məhkum olmuşdu... Çox alimlərdən eşitmişdim, deyirdilər ki, nə olur-olsun, təki Allah ağlımızı başımızdan almasın. Xəstəlik Xəyyam müəllimə əziyyət versə də,  ağlı və düşüncə tərzi son nəfəsinə qədər itiliyini itirmədi.

Mirzəzadələrin ocağında müşahidə etdiyim bir ənənə də diqqətimi daima çəkirdi, bunu ailə dəyərlərinin qorunması ilə izah edə bilərəm. Üç qadını, Xəyyam müəllimin ömür-gün yoldaşı Lamiyə xanımı, bacıları Afət xanımı və Çimnaz xanımı həmişə onun əhatəsində görərdim. İki oğlunun, nəvələrinin və gəlinlərinin varlığı onu sevindirsə də, üzərində bacısı  Afət xanımın zəhməti böyük olardı. Yaşlı və xəstə olmasına baxmayaraq, zəhmətkeş qadın qardaşının qulluğunda uşaq kimi dayanar, onu heç vaxt tək qoymazdı.  Xəyyam müəllimin  son nəfəsinədək, başının üstündən çəkilməyənlərdən biri Afət xanım  idi...  Bunlar yalnız azərbaycanlı ailəsinə xas olan müqəddəs dəyərlərdəndir...

Xəstə halında da Xəyyam Mirzəzadə  nikbin və həyatsevər təsiri bağışlayırdı. Amma onun içində  hər kəsə bölüşə bilmədiyi bir  nisgili var idi . Şöhrəti onu üstələdikcə, dərdi də artmışdı, barışa bilmədiyi bir çox məsələlərə göz yuma bilməmişdi, axı o, dünyagörmüş kişi idi... Bir vaxtlar çalışdığı ocaqdan onu küsdürmüşdülər, konservatoriyadan, sevdiyi mühitdən, tələbələrindən uzaq düşmüşdü, küskünlüyü ona sağlamlığını itirmək bahasına başa gəlmişdi, bəla onda idi ki, halından xəbərsiz idilər. Ömrü boyu təbliğ etdiyi Bəstəkarlar  İttifaqından da üz döndərmişdi,  incimişdi, yenə də qılığına girib könlünü alan olmamışdı. Keçirilən bir çox festifallarda nə əsərləri çalınırdı, nə də adı anılırdı, bütün bunlar onun səhhətinə  təsirsz ötmürdü. Yadımdadır, bir dəfə evində olarkən, festifal üçün tutulmuş proqramı mənə göstərdi, dedi ki, yaradıcılığımdan burada bir cümlə də yoxdur. Sonra da hansısa Avropa ölkəsindən ona ünvanlanmış məktubu təqdim etdi, “Bax, əcnəbilər  çalınmış əsərlərim haqqında mənə məlumat göndəriblər”, dedi.  Soyuq münasibət yaşının ahıl çağında tanınmış bəstəkara ağır təsir edirdi.  Xəyyam Mirzəzadənin yalnız ölümündən sonra xatirəsi əziz tutuldu, ölkədə keçirilən son festifallardan birində  şərəfinə musiqisi çalındı. Əgər bunlar sağlığında baş versəydi, kim bilir, bəlkə ömrü bir az da uzanardı...

Bir dəfə Xəyyam Mirzəzadədən soruşublar ki, nə üçün klassik Avropa bəstəkarlarının musiqisinə bənzər əsərlər yazılmır, cavab verib ki, “onların dövrü qurtardı”. Hər sonun bir başlanğıcı olur, sovet dövründə görkəmli bəstəkarlar böyük məktəblər yaratdılar. Qara Qarayev məşhur D.Şoctakoviçin yetirməsi olmuşdu, Xəyyam Mirzəzadə Qara müəllimin tələbələrindən biri idi, ənənə pozulmamışdı,  Xəyyam müəllimin də davamçıları az deyildi...  Musiqi aləmində hərənin öz dəsti-xətti olsa da, müəllimindən heç kim böyük görünmədi. Hərə öz dövrünü yaşadı, izini qoydu,  dünya musiqi xəzinəsinə töhfəsini verdi.  Xəyyam Mirzəzadə dünyasını dəyişəndə “Sonuncu magikan köç etdi”, dedilər. Özünün söylədiyi kimi, “Onların da dövrü qurtardı”.

Xəyyam müəllimin sayəsində bir çox tanınmış musiqiçilərin həyat hekayələrini qələmə almışdım. Onların arasında  Qara Qarayevin oğlu Fərəc Qarayevin də adı var idi. Köhnə blaknotumda Fərəc Qarayevin öz əli ilə yazdığı cəmi on sətirlik yığcam  bir şeri hələ də qalmaqdadır. Məncə, insanın ömür kitabını vərəqləmək üçün yerinə düşən misralardır...

1. Pir

2. Kim

3. Güc

4. Dərd

5. Eşq

6. Atdı

7. Getdim

8. Sənsiz

9. Dönməz

10. Son.


Haçandır,  Fərəc Qarayevi Bakıda görmürəm, görsəydim deyərdim ki, şerindəki “son”dan sonrakı həyatı təsvir edən 10 sətir də yazsın. Bilirəm ki, orada mütləq insanın qeybə çəkilən ruhundan söz salacaq, o ruhun əməllərdə yaşamasından danışacaq.  Biləndə ki, Xəyyam Mirzəzadənin ruhu  xalqımıza miras qoyduğu musiqi əsərlərində yaşayır, onda qəlbimiz də ovunacaq...



Hadi Mirzəzadə balaca Xəyyamla.


Xəyyam Mirzəzadə və Fərəc Qarayev


Xəyyam Mirzəzadə


Xəyyam Mirzəzazadə və Heydər Əliyev


Dilarə Quliyeva


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Ramil Usubovdan kadr dəyişikliyi ilə bağlı ƏMR
17.02.2019, 15:19

Ramil Usubovdan kadr dəyişikliyi ilə bağlı ƏMR

Həyatından bezdi - Özünü evi və maşını ilə birlikdə hərraca çıxardı
17.02.2019, 15:00

Həyatından bezdi - Özünü evi və maşını ilə birlikdə hərraca çıxardı

Əmisinin evindən oğurluq edən şəxs saxlanıldı
17.02.2019, 14:41

Əmisinin evindən oğurluq edən şəxs saxlanıldı

Azərbaycan atleti Dünya Kubokunda gümüş medal qazandı
17.02.2019, 14:25

Azərbaycan atleti Dünya Kubokunda gümüş medal qazandı

“Azərbaycanlıları məyus olmamağa çağırıram” - Nazirdən növbəti açıqlama
17.02.2019, 14:12

“Azərbaycanlıları məyus olmamağa çağırıram” - Nazirdən növbəti açıqlama

17.02.2019, 14:00

"Əminəm ki, dostluğumuza heç zaman xələl gəlməyəcək” - Vitse-prezidentdən insidentə MÜNASİBƏT

Polisdən xüsusi əməliyyat: “Lotu Quli”nin adamları tutuldu - VİDEO
17.02.2019, 13:47

Polisdən xüsusi əməliyyat: “Lotu Quli”nin adamları tutuldu - VİDEO

Hava şəraiti 3 gün qeyri-sabit keçəcək, qar yağacaq, temperatur 5-7 dərəcə aşağı enəcək - XƏBƏRDARLIQ
17.02.2019, 13:32

Hava şəraiti 3 gün qeyri-sabit keçəcək, qar yağacaq, temperatur 5-7 dərəcə aşağı enəcək - XƏBƏRDARLIQ

Ucqar kənd müəllimi: “Ləzgilər soyuqqanlı xalq olsalar da,...”
17.02.2019, 13:03

Ucqar kənd müəllimi: “Ləzgilər soyuqqanlı xalq olsalar da,...”

Bir şəklin tarixçəsi - “Yeddi oğul”dan kimlər getdi, kimlər qaldı...   
17.02.2019, 12:47

Bir şəklin tarixçəsi - “Yeddi oğul”dan kimlər getdi, kimlər qaldı...  

Əmanətlərlə bağlı mühüm dəyişiklik
17.02.2019, 12:30

Əmanətlərlə bağlı mühüm dəyişiklik

Zakir Həsənov BƏƏ-nin müdafiə məsələləri naziri ilə görüşdü
17.02.2019, 12:17

Zakir Həsənov BƏƏ-nin müdafiə məsələləri naziri ilə görüşdü

Amerikalı ilə ailə quran azərbaycanlı xanım - şeirlərinə mahnılar yazılıb   
17.02.2019, 12:02

Amerikalı ilə ailə quran azərbaycanlı xanım - şeirlərinə mahnılar yazılıb  

Müğənni Afət Fərmanqızı: “Nəsiminin daha bir qəzəlinə mahnı yazdırmışam”  
17.02.2019, 11:54

Müğənni Afət Fərmanqızı: “Nəsiminin daha bir qəzəlinə mahnı yazdırmışam”  

Hacıqabuldakı ər-arvad intiharı: “Əfsanə ilə Sahib bir-birlərini  elə sevirdilər ki...” - Əmisi DANIŞDI   
17.02.2019, 11:38

Hacıqabuldakı ər-arvad intiharı: “Əfsanə ilə Sahib bir-birlərini  elə sevirdilər ki...” - Əmisi DANIŞDI  

Qobustanda zəncirvari qəza - xəsarət alan var
17.02.2019, 11:20

Qobustanda zəncirvari qəza - xəsarət alan var

Mehriban Əliyevanın adından Gəncənin “İmamzadə” dini kompleksində ehsan verildi - FOTO
17.02.2019, 11:05

Mehriban Əliyevanın adından Gəncənin “İmamzadə” dini kompleksində ehsan verildi - FOTO

Daxmalarda yanğın: 9 nəfər ÖLDÜ
17.02.2019, 10:53

Daxmalarda yanğın: 9 nəfər ÖLDÜ

Gözlər yoldan yığılarmı... - VII YAZI    
17.02.2019, 10:50

Gözlər yoldan yığılarmı... - VII YAZI   

Şahzadə
17.02.2019, 10:44

Şahzadə "Mançester Yunayted"i 4,9 milyard dollara almaq istəyir

“Barselona” “Real”a qalib gəldi   
17.02.2019, 10:33

“Barselona” “Real”a qalib gəldi  

“Məmmədyarovla dəhlizdə salamlaşa bilərik” - Erməni nazir
17.02.2019, 10:20

“Məmmədyarovla dəhlizdə salamlaşa bilərik” - Erməni nazir

Sumqayıtda mağaza yanıb
17.02.2019, 10:07

Sumqayıtda mağaza yanıb

“Qarabağ” - “Qəbələ” oyunu canlı yayımlanacaq
17.02.2019, 09:56

“Qarabağ” - “Qəbələ” oyunu canlı yayımlanacaq

Ermənilər 7 rayonumuzu atəşə tutublar 
17.02.2019, 09:45

Ermənilər 7 rayonumuzu atəşə tutublar 

Putin və Makron Suriya məsələsini müzakirə etdilər
17.02.2019, 09:30

Putin və Makron Suriya məsələsini müzakirə etdilər

Hava iki gün qeyri-sabit keçəcək - XƏBƏRDARLIQ
17.02.2019, 09:15

Hava iki gün qeyri-sabit keçəcək - XƏBƏRDARLIQ

Fətullah Gülən həbs edilib - İDDİA
17.02.2019, 01:12

Fətullah Gülən həbs edilib - İDDİA

Cəlilabadda daşqın:  Kənd qəbiristanlığı su altında qaldı
17.02.2019, 00:57

Cəlilabadda daşqın:  Kənd qəbiristanlığı su altında qaldı

Parisdəki aksiyada 26 nəfər saxlanıldı
17.02.2019, 00:24

Parisdəki aksiyada 26 nəfər saxlanıldı

27 illik Qaradağlı qətliamı: Bir gecədə 23 dinc sakin güllələndi
17.02.2019, 00:06

27 illik Qaradağlı qətliamı: Bir gecədə 23 dinc sakin güllələndi

Təqaüdlərin artırılması ölkə rəhbərinin öz vətəndaşına münasibətinin nəticəsidir
16.02.2019, 23:55

Təqaüdlərin artırılması ölkə rəhbərinin öz vətəndaşına münasibətinin nəticəsidir

Almaniya-Azərbaycan əməkdaşlığı müzakirə olundu
16.02.2019, 23:50

Almaniya-Azərbaycan əməkdaşlığı müzakirə olundu

Gəncədə Mehriban Əliyevanın adından ehsan verilib - FOTOLAR
16.02.2019, 23:34

Gəncədə Mehriban Əliyevanın adından ehsan verilib - FOTOLAR

Bakı metrosunda bıçaqlanma 
16.02.2019, 23:20

Bakı metrosunda bıçaqlanma 

Leyla Əliyeva uşaqları ilə birgə festivala qatıldı - FOTO
16.02.2019, 23:04

Leyla Əliyeva uşaqları ilə birgə festivala qatıldı - FOTO

Onun ölümünə teatrın divarları da aglayırdı - Dahi Ələsgər Ələkbərovla bağlı maraqlı XATİRƏ   
16.02.2019, 22:48

Onun ölümünə teatrın divarları da aglayırdı - Dahi Ələsgər Ələkbərovla bağlı maraqlı XATİRƏ  

ABŞ 4 ildə 12 min insanı qətlə yetirib
16.02.2019, 22:43

ABŞ 4 ildə 12 min insanı qətlə yetirib

Sabiq nazirin bacısı “Brexit”lə bağlı canlı yayımda soyundu – VİDEO
16.02.2019, 22:30

Sabiq nazirin bacısı “Brexit”lə bağlı canlı yayımda soyunduVİDEO

Şəmkirdə yeniyetmə bıçaqlandı
16.02.2019, 22:12

Şəmkirdə yeniyetmə bıçaqlandı

İstanbulda daha bir yaşayış binası çökdü - VİDEO
16.02.2019, 21:54

İstanbulda daha bir yaşayış binası çökdü - VİDEO

Allahşükür Paşazadə də Moskvadakı davaya müdaxilə etdi - Tərəflər barışıq stolunda oturdu   
16.02.2019, 21:41

Allahşükür Paşazadə də Moskvadakı davaya müdaxilə etdi - Tərəflər barışıq stolunda oturdu  

“Münaqişənin genişlənməsinə imkan verilməyəcək” - RƏSMİ
16.02.2019, 21:35

“Münaqişənin genişlənməsinə imkan verilməyəcək” - RƏSMİ

“Şair olmaq bədbəxtçilikdir”   
16.02.2019, 21:25

“Şair olmaq bədbəxtçilikdir”  

Rusiya azərbaycanlıları çeçenlərlə baş verən təxribatla bağlı bəyanat yaydı
16.02.2019, 21:23

Rusiya azərbaycanlıları çeçenlərlə baş verən təxribatla bağlı bəyanat yaydı

Anaları azərbaycanlı, ataları banqladeşli olan amerikalı bacılar - FOTOLAR   
16.02.2019, 21:20

Anaları azərbaycanlı, ataları banqladeşli olan amerikalı bacılar - FOTOLAR  

Elmar Məmmədyarov ABŞ rəsmisi ilə Qarabağ münaqişəsini müzakirə etdi   
16.02.2019, 21:15

Elmar Məmmədyarov ABŞ rəsmisi ilə Qarabağ münaqişəsini müzakirə etdi  

İlham Əliyev Rusiyadakı azərbaycanlılarla bağlı vəziyyəti nəzarətə götürdü - VİDEO
16.02.2019, 21:07

İlham Əliyev Rusiyadakı azərbaycanlılarla bağlı vəziyyəti nəzarətə götürdü - VİDEO

Xəzərdə fəhlənin ölümü ilə bağlı cinayət işi başlanıldı
16.02.2019, 20:51

Xəzərdə fəhlənin ölümü ilə bağlı cinayət işi başlanıldı

“Neftçi” yenə də xal itirdi
16.02.2019, 20:34

“Neftçi” yenə də xal itirdi

ARXİV