Əfqanıstanda "Taliban" radikal hərəkatı hüquq-mühafizə orqanlarının əməkdaşlarına hücum edib. Modern.az xəbər verir ki, hücum ölkənin Vardak vilayətində törədilib.
Hücum nəticəsində hüquq-mühafizə orqanlarının 7 üzvü ölüb. Ölənlər arasında Seyidabad rayonun polis bölməsinin rəisi də var.
Məlumata görə, güc strukturları bir neçə terrorçunu məhv etməyə nail ola biliblər, lakin onların dəqiq sayı məlum deyil. Hal-hazırda rayon güc strukturları və milli müdafiə qüvvələrinin nəzarəti altındadır.