Çin, Yaponiya və Koreya fond birjaları ciddi geriləyib. Modern.az xarici KİV-ə istinadən xəbər verir ki, Yeni Zelandiyanın maliyyə bazarı da mənfiyə doğru gedib.
ABŞ fond birjasında müşahidə olunan geriləmə səhər saatlarında Honq Konq birjasının 3%, Yaponiya birjasının 3,5%, Kospi fond birjasının da 3,5% düşməsinə yol açıb.
Asiyanın MSCI indeksi 3,86% ümumi dəyər itirib. Çinin telekommunikasiya nəhəngi “Tencent”in qiymətli kağızları da 7% ucuzlaşıb.
Fond birjalarında yaranmış panika Beynəlxalq Valyuta Fondunun xəvbərdarlıqları ilə bağlıdır. Belə ki, sentybarın 26-da Federal Rezerv Sisteminin dolların uçot dərəcəsini 2-2,5% diapazonuna qaldırması dövlət istiqrazlarının kütləvi satılmasına yol açıb. Nəticədə ABŞ-ın NASDAQ 100, Dow Jones və s. əsas birja indeksləri mənfiyə yuvarlanmışdı.
Həmin vaxt prezident Tramp Federal Rezerv Sisteminin qərarını ağılsızlıq adlandırmışdı.
